الماتىدا كولىكتەر سوقتىعىسىپ, اۋە رەيستەرى كەيىنگە شەگەرتىلدى

الماتى. 10 اقپان. قىستىڭ سوڭعى ايىنىڭ ەكىنشى ونكۇندىگىندە جاۋعان قار قالا تۇرعىندارىن ءبىراز ابىگەرگە سالدى. العاشىندا توقتاۋسىز سەبەلەگەن مۇزداقتىڭ ارتى اپپاق قارعا ۇلاستى. ءبىر تاۋلىك ىشىندە قالا كوشەلەرىندە 100-گە تاياۋ جول-كولىك اپاتىنىڭ بولۋىنا سەبەپشى بولدى. بۇل تۋرالى قالالىق ىشكى ىستەر دەپارتامەنتىنىڭ ءباسپاسوز ورتالىعىنا سىلتەمە جاساعان egemen.kz ءتىلشىسى حابارلادى. الاتاۋ ەتەگىندە 25, قالادا 15 سانتيمەترلىك قالىڭدىقتا تۇسكەن اپپاق قاردىڭ قازىر ىزعارى دا كۇشەيىپ تۇر. قالانى قاردان تازالاۋعا  910 جۇمىسشى, 600-گە جۋىق ءتۇرلى تەحنيكا جۇمىلدىرىلدى. «قازگيدرومەتتىڭ» بولجامى بويىنشا, قالا اۋماعىندا قار قىلاۋى كەشكە دەيىن باسىلمايدى. وسىعان بايلانىستى الماتىنىڭ حالىقارالىق اۋە جايىندا رەسپۋبليكانىڭ ىشكى اۋماعىنا ۇشاتىن 7 رەيس كەيىنگە شەگەرىلدى. تالعات ءسۇيىنباي. دەرەك, سۋرەت: الماتى قالالىق ىشكى ىستەر دەپارتامەنتىنىڭ ءباسپاسوز ورتالىعى.