Beeline 50 ميلليون تەڭگە جۇلدەنىڭ يەسىن انىقتادى

الماتى. 10 اقپان. قازاقستانداعى تەلەكوممۋنيكاتسيالىق Beeline وپەراتورى  «ساتتىلىكتى ۇستاپ ال!» جىلدىق ناۋقانىنىڭ قورىتىندىسىن شىعاردى. اقتىق بايقاۋدا 50 ميلليون تەڭگەنىڭ جەڭىمپازى انىقتالدى. بۇل تۋرالى Beeline كومپانياسىنىڭ بۇقارامەن بايلانىس قىزمەتىنە سىلتەمە جاساعان egemen.kz ءتىلشىسى حابارلادى. الايدا قوماقتى جۇلدەگە يە بولعان ادام ءوز اتى-ءجونىنىڭ قۇپيا بولىپ قالۋىن قالاعان. جىل بويى ناۋقانعا قاتىسۋشىلار اراسىندا كۇن سايىن – 50 000 تەڭگە, ءار جەكسەنبىدە Apple iPhone 6 سمارتفونى, قاڭتار, اقپان, مامىر, ماۋسىم, قىركۇيەك, قازان جانە قاراشا ايلارىندا 1 000 000 تەڭگە, كوكتەمدە Volkswagen Tiguan اۆتوكولىگى, جازدا Volkswagen Golf اۆتوكولىگى, جاڭا جىل قارساڭىندا باس جۇلدە – 50 000 000 تەڭگە ويناتىلعان بولاتىن. جۇلدە قورى, جالپى قۇنى شامامەن 80 ميلليون تەڭگەنى قۇرايتىن 365 جۇلدەدەن تۇردى. «تۇتىنۋشىلارىمىزعا مۇمكىندىكتەر سىيلاعانىمىزعا قۋانىشتىمىز. بۇل تاماشا ناۋقان بولدى, ءبىز ەلىمىزدىڭ تۇكپىر-تۇكپىرىندەگى قازاقستاندىقتارعا جۇلدەلەر سىيلادىق. ءار جولى جۇلدەلەردى تابىستاعان كەزدە قىزىقتى, قۋانىشتى, وتە اسەرلى ساتتەرگە كۋا بولامىز. بارلىق قاتىسۋشىلارعا العىس ايتا وتىرىپ, بارشا جەڭىمپازداردى قۇتتىقتايمىن!» – دەدى كومپانيانىڭ باس اتقارۋشى ديرەكتورى الەكساندر كوماروۆ. ايناش ەسالي. دەرەك, سۋرەت: Beeline كومپانياسىنىڭ بۇقارامەن بايلانىس قىزمەتى.