قازىعۇرت اۋدانىندا قۇتىرعان يتتەر 600 ادامدى قاپتى

شىمكەنت. 10 اقپان. قازىعۇرت اۋدانىندا جىل باسىنان بەرى يتتەردىڭ قاۋىپ الۋى وقيعاسىنان امبۋلاتوريالىق حيرۋرگيا جانە تراۆماتولوگيالىق ورتالىققا 600 ادام كەلىپ تەكسەرىلدى. بۇل تۋرالى egemen.kz ءتىلشىسى حابارلادى. جاقىندا تاعى ءبىر ادامدى ءوزىنىڭ ءيتى قاۋىپ العان. «باس جارىلسا بورىك ىشىندە, قول سىنسا جەڭ ىشىندە» دەپ ومىرگە سىيىمسىزداۋ ماتەل شىعارىپ الىپ, ەشتەڭە بولماعانداي جۇرە بەرەتىن الاڭسىز حالىقپىز عوي. 1958 جىلى دۇنيەگە كەلگەن, ءوز ءيتى ءوزىن قاپقان ازاماتتىڭ جايباراقاتتىعى ءوزىنىڭ تۇبىنە جەتتى. ءيتى قۇتىرعان بولىپ شىقتى. جىل باسىنان بەرى ەكى ادام وسى قۇتىرعان دەرتىنەن كوز جۇمدى. وبلىستىق تۇتىنۋشىلاردىڭ قۇقىق قورعاۋ دەپارتامەنتىنىڭ مالىمەتى بويىنشا ەكىنشى كوز جۇمعان ادام كەنتاۋ قالاسىنان ەكەن. كوشەدە ءبىر يت جاس كەلىنشەكتى قاۋىپ العان. الايدا, ەكەۋى دە دارىگەرلەردىڭ باقىلاۋىنا كەش بارعان. ىندەتتى جەر ەپيدەميولوگياعا قارسى ورىنداردىڭ كۇش سالۋىمەن زالالسىزداندىرىلدى. وبلىستا يەسىز, قانعىباس يتتەر كوبەيىپ بارادى. ولارمەن كۇرەس كوڭىلدەگىدەي ەمەس. جاساعان «ساقتانساڭ ساقتايمىن» دەيدى. امان-ساۋ جۇرگەنگە نە جەتسىن. باقتيار تايجان. دەرەك: egemen.kz سۋرەت: kz.otyrar.kz