«تەڭىزشەۆرويل» رەكوردتىق كورسەتكىشكە قول جەتكىزدى

الماتى. 10 اقپان. تاياۋ كۇندەرى «تەڭىزشەۆرويل» جاۋاپكەرشىلىگى شەكتەۋلى سەرىكتەستىك 2015 جىلدى قورىتىندىلاپ, بۇقارالىق اقپارات قۇرالدارىنا مالىمەت تاراتتى. بۇل تۋرالى egemen.kz ءتىلشىسى حابارلادى. «تەڭىزشەۆرويل» 2015 جىلى مۇناي ءوندىرۋ كولەمىن 27,16 ميلليون تونناعا جەتكىزگەن (217 ميلليون باررەل). بۇل جاڭا رەكوردتىق كورسەتكىش بولىپ ەسەپتەلەدى. سول سياقتى وتكەن جىلى «تەڭىزشەۆرويل» سۇيىتىلعان گاز ساتۋ كولەمىن 1,27 ميلليون توننادان اسىرىپ, قۇرعاق گاز ساتۋ كولەمىن 6,85 ميلليارد تەكشە مەترگە جەتكىزدى. سونداي-اق, 2,7 ميلليون توننا كۇكىرت ساتتى. بۇل اتالمىش كەزەڭدەگى وندىرىلگەن 2,4 ميلليون توننا كۇكىرتتىڭ 113 پايىزىن قۇرايدى. «تەڭىزشەۆرويل» جوعارى ساپالى كۇكىرتتىڭ ءۇش ءتۇرىن كوپتەگەن ەلدەردەگى ساتىپ الۋشىلارعا, ونىڭ ىشىندە قازاقستان رەسەي, ۋكراينا جانە قىتاي مەملەكەتتەرىنە, سونىمەن بىرگە جەرورتا تەڭىزى باسسەينى مەن اتلانت مۇحيتى جاعالاۋى ەلدەرىنە وتكىزەدى. قازىرگى تاڭدا «تەڭىزشەۆرويل» وندىرىلگەن گازدىڭ 98 پايىزىن كادەگە جاراتادى.  ال 2015 جىلى اتموسفەراعا جىبەرىلگەن شىعارىندىلار كولەمى وندىرىلگەن مۇنايدىڭ ءبىر تونناسىنا شاققاندا, ورتا ەسەپپەن, 2,24 كيلوگرامدى قۇراعان. قارجى كورسەتكىشتەرگە كەلەتىن بولساق, 2014 جىلى قازاقستان رەسپۋبليكاسىنا تولەنگەن تىكەلەي تولەمدەردىڭ مولشەرى 14,7 ميلليارد اقش دوللارى بولسا, 2015 جىلى اتالعان تولەمدەر كولەمى 8,2 ميلليارد اقش دوللارىن قۇرادى. «تەڭىزشەۆرويل» 2015 جىلى قازاقستاندىق تاۋارلار مەن قىزمەتتەردى پايدالانۋعا 2,4 ميلليارد اقش دوللارى شاماسىندا قارجى جۇمساعان. قازىرگى تاڭدا جۇمىس ىستەيتىن قازاقستاندىق قىزمەتكەرلەردىڭ ۇلەسى 1993 جىلعى 50 پايىز كورسەتكىشپەن سالىستىرعاندا 86 پايىزعا ءوستى.  ال جەرگىلىكتى ۇلتتىق باسشىلاردىڭ, ورتا بۋىن جەتەكشىلەرىنىڭ ۇلەسى جالپى باسشىلىق قۇرامنىڭ 74 پايىزىن قۇرايدى. كادرلاردى وقىتۋ جانە شىڭداۋ جونىندەگى تۇراقتى باعدارلامانى جۇزەگە اسىرۋ ناتيجەسىندە جاۋاپتى باسشىلىق لاۋازىمدارعا تاعايىندالعان جەرگىلىكتى قىزمەتكەرلەر قاتارى كوبەيە تۇسۋدە. الەۋمەتتىك سالاعا ۇلەستە 2016 جىلدىڭ «يگىلىك» ەرىكتى الەۋمەتتىك ينفراقۇرىلىم باعدارلاماسى بيۋدجەتى 25 ميلليون اقش دوللارىن قۇرايدى. قارجىنىڭ نەگىزگى ۇلەسى اتىراۋ وبلىسىندا بالاباقشالار, مەكتەپتەر جانە باسقا دا الەۋمەتتىك نىسانداردىڭ قۇرىلىسىنا جۇمسالادى.  2016 جىلى اتىراۋ وبلىسىنىڭ دەنساۋلىق ساقتاۋ, ءبىلىم جانە وقىتۋ سالالارىنىڭ ساپاسىن جاقسارتۋعا كومەكتەسۋ ءۇشىن «تەڭىزشەۆرويل» الەۋمەتتىك ينۆەستيتسيالار باعدارلاماسىنا 1 ميلليون اقش دوللارى شاماسىندا قارجى ءبولىندى. «تەڭىزشەۆرويل» جاۋاپكەرشىلىگى شەكتەۋلى سەرىكتەستىگىنىڭ قازىرگى كەزدەگى سەرىكتەستەرى: «شەۆرون» – 50%, «قازمۇنايگاز» اق – 20%, «ەكسونموبيل قازاقستان ۆەنچۋرس ينك.» – 25% جانە «لۋكاركو ب.ك.» – 5% بولىپ تابىلادى. ايناش ەسالي. دەرەك, سۋرەت: egemen.kz.