رەسەيگە جالعا بەرىلگەن 600 مىڭعا دەيىن گەكتار جەر قايتارىلادى

استانا. 10 اقپان. ەلىمىزدىڭ باتىس وڭىرىندە رەسيەگە اسكەري پوليگون ءۇشىن جالعا بەرىلگەن جەرلەر قايتارىلىپ جاتىر. قورعانىس مينيسترلىگى ءباسپاسوز قىزمەتىنىڭ حابارلاۋىنشا, اتىراۋ جانە باتىس قازاقستان وبلىستارىندا 600 مىڭعا دەيىن گەكتار جەر قايتارىلاتىن بولادى. بۇل تۋرالى egemen.kz ءتىلشىسى حابارلادى. وسىلايشا رەسەي تاراپى 600 مىڭ گەكتار جەر ءۇشىن تولەۋى ءتيىس 1 ميلليوننان استام اقش دوللارى ۇنەمدەگىسى كەلەدى. قورعانىس ءمينيسترىنىڭ ورىنباسارى گەنەرال-لەيتەنانت وقاس ساپاروۆتىڭ ايتۋىنشا, جالعا بەرىلگەن جەرلەر قايتارىلعان سوڭ, وندا پايدالى قازبالاردى ءوندىرۋ بويىنشا جۇمىستار جاسالادى. مىسالى, اتىراۋ وبلىسىنداعى «تايسوعان» ۋچاسكەسىندە ۋاز جانە قوندىباي كەن ورىندارىندا كومىرسۋتەكتى, باتىس قازاقستان وبلىسىنىڭ «جامانتاۋ» ۋچاسكەسىندە كەسەك تاستى ءوندىرۋ ىسكە اسىرىلادى. ودان باسقا, اتىراۋ وبلىسىنىڭ اقجار كەنتىندە تۇرعىن ۇيلەر سالىنادى. داستان كەنجالين. دەرەك: قازاقستان رەسپۋبليكاسى قورعانىس مينيسترلىگى. سۋرەت: egemen.kz