الماتىدا كاكىمجان قازىباەۆ تۋرالى كىتاپ جارىققا شىقتى

الماتى. 9 اقپان. الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىندە بەلگىلى مەملەكەت جانە قوعام قايراتكەرى, جازۋشى-جۋرناليست كاكىمجان قازىباەۆتىڭ ومىرىنەن سىر شەرتەتىن «ونەگەلى ءومىر» سەرياسى بويىنشا جارىق كورگەن كىتاپتىڭ تۇساۋكەسەرى بولىپ ءوتتى. بۇل تۋرالى egemen.kz ءتىلشىسى حابارلادى. تاعىلىمدى عۇمىر كەشكەن ازاماتتىڭ ءجۇرىپ وتكەن جولى, جۋرناليستيكادان باستاپ قوعام قايراتكەرلىگىنە دەيىنگى عيبراتتى عۇمىرى وسىلايشا كىتاپ بولىپ, كەلەشەككە جول تارتتى.  كىتاپ ءال-فارابي اتىنداعى قازاق ۇلتىق ۋنيۆەرسيتەتىنىڭ «ونەگەلى ءومىر» سەرياسى جوباسى اياسىندا جارىق كورىپ وتىر. كاكىمجان قازىباەۆتىڭ شىعارماشىلىعىنا ارنالعان باسقوسۋ ستۋدەنتتەر ءۇشىن شەبەرلىك دارىستەرى سىندى قىزىقتى ءوتتى. ال تۇساۋكەسەر ءراسىمىن ۋنيۆەرسيتەت رەكتورى عالىمقايىر مۇتانوۆ اشىپ, قازىباەۆتىڭ كوزىن كورگەن تۇستاستارىنا, ارىپتەستەرىنە ءسوز بەردى. مەملەكەت جانە قوعام قايراتەرلەرى بيجامال رامازانوۆا, ءشامشا بەركىمباەۆا, سارباس اقتاەۆ, سوفى سماتاەۆ, ابىلاكىم اۋباكىروۆ سىندى تانىمال ادامداردىڭ ەستەلىكتەرى ەستە قالارلىقتاي اسەرلى ءوربىدى. تۇساۋكەسەر سوڭىندا كاكىمجان قازىباەۆتىڭ اياۋلى جارى, قازاقستان رەسپۋبليكاسىنىڭ ەڭبەك سىڭىرگەن قايراتكەرى ورىنشا قارابالينا ءسوز الىپ, وتباسى اتىنان كاكىمجان اعامىز تۇلەپ ۇشقان ءبىلىم قاراشاڭىراعىنا العىس ايتىپ, جاستار ايتا جۇرەرلىكتەي تەبىرەنىستى ەستەلىكتەرىمەن ءبولىستى. ايناش ەسالي. دەرەك, سۋرەت: egemen.kz.