سولتۇستىك قازاقستاندا رەسپۋبليكالىق كونفەرەنتسيا ءوتتى

پەتروپاۆل. 9 اقپان. سولتۇستىك قازاقستان وبلىسىنداعى كەڭەس وداعىنىڭ باتىرى ىسقاق ىبىراەۆ اۋىلىندا «جازۋشى گەرولد بەلگەر – زامان تۇلعاسى» اتتى رەسپۋبليكالىق كونفەرەنتسيا ءوتتى. وندا جازۋشىنىڭ بالداۋرەن بالالىق شاعى مەن ءومىر جولى ايتىلدى. بۇل تۋرالى وبلىستىق مادەنيەت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جەرگىلىكتى مادەنيەت ۇيىنە جينالعان جۇرتشىلىق الدىندا وبلىس اكىمىنىڭ ورىنباسارى انارحان قاليەۆا ايماق باسشىسىنىڭ قۇتتىقتاۋىن جەتكىزگەننەن كەيىن بەلگىلى جازۋشى, اۋدارماشى, كورنەكتى قوعام قايراتكەرى, پرەزيدەنتتىڭ « بەيبىتشىلىك پەن رۋحاني كەلىسىم» سىيلىعىنىڭ يەگەرىنىڭ ءومىرى مەن شىعارماشىلىق جولى جايلى باياندادى. سونداي-اق, جازۋشى تىنىمباي نۇرماعانبەتوۆ 40 جىلداي ارالاسقان دوسى جايلى تەبىرەنە ايتسا, قازاقستان نەمىستەرى قوعامدىق بىرلەستىگىنىڭ توراعاسى الەكساندر دەدەرەر گەراعانىڭ بالالىق, جاستىق شاعىنان سىر شەرتتى. ايتا كەتەيىك, شاراعا قاتىسقان بارلىق قوناقتار ءسوز الىپ, گەرولد بەلگەر جايلى ەستەلىكتەر ايتتى. كونفەرەنتسيا اياقتالعان سوڭ جەرلەسىمىزدىڭ رۋحىنا باعىشتالىپ اس بەرىلدى. ءومىر ەسقالي. دەرەك, سۋرەت: egemen.kz.