اقتوبە. 9 اقپان. اقتوبە وبلىستىق سوتىنىڭ عيماراتىندا «سوتتاردىڭ باق-پەن ءوزارا ىقپالداستىق جۇمىسىن جەتىلدىرۋ» تاقىرىبىندا دوڭگەلەك ۇستەل ءوتتى. وعان وبلىستىق سوتتىڭ القا, قالالىق جانە مامانداندىرىلعان سوتتاردىڭ توراعالارى, رەسپۋبليكالىق جانە جەرگىلىكتى باق وكىلدەرى قاتىستى. بۇل تۋرالى egemen.kz ءتىلشىسى حابارلادى.
دوڭگەلەك ۇستەلدى كىرىسپە ءسوز سويلەپ اشقان وبلىستىق سوت توراعاسى ەرلان ايتجانوۆ سوت جۇيەسىنىڭ بەدەلى حالىقتىڭ وعان دەگەن كوزقاراسى, سەنىمى ارقىلى ايقىندالاتىندىعىن, سوتتاردىڭ جۇمىسى حالىق ءۇشىن قولجەتىمدى بولۋى كەرەكتىگىن اتاپ ءوتتى. سوت جۇيەسىن جەتىلدىرۋ ماقساتىندا 2016 جىلدىڭ 1 قاڭتارىنان باستاپ رەسپۋبليكا سوتتارى جاڭا فورماتتاعى جۇمىسقا كوشكەنىن مالىمدەدى. جوعارى كاسىبي بىلىكتى سۋديالاردىڭ كورپۋسىن قۇرۋعا, سوت جۇيەسىن جاڭعىرتۋعا, ينۆەستيتسيالىق داۋلار بويىنشا سوت ءوندىرىسىنىڭ جاڭا مودەلىن قۇرۋعا جانە سۋديالاردى زەينەتاقىمەن قامسىزداندىرۋدى جەتىلدىرۋگە باعىتتالعان زاڭنامالارعا وزگەرىستەر ەنگىزىلگەنىنە, سونىمەن قاتار جاڭا ازاماتتىق پروتسەستىك كودەكس قابىلدانعانىنا توقتالدى. سونداي-اق, ول بيىل جاڭا «سۋديالار ادەبى» كودەكسىنىڭ قابىلداناتىنىنان حاباردار ەتتى.
كەزدەسۋدە وبلىستىق سوتتىڭ باق-پەن جۇمىستى ۇيلەستىرۋشى-سۋدياسى م.جارقىنبەكوۆ وتكەن جىلعى جۇمىستى قورىتىندىلادى. باق-تاعى وبلىستىڭ سوت جۇيەسىنە قاتىستى جاريالانىمدار تۋرالى جەرگىلىكتى ريكا مەديا توبىنىڭ باس رەداكتورى م.ۆاسيلەۆا باياندادى, ال, رەسپۋبليكالىق «زاڭ» گازەتىنىڭ مەنشىكتى ءتىلشىسى ب.جانشاەۆا وسى باعىتتاعى جۇمىستى جەتىلدىرۋ جايىندا ءوز ۇسىنىستارىن جەتكىزدى. سوتتار اكىمشىسىنىڭ باسشىسى ءا.مامبەتوۆ وبلىس سوتتارىنىڭ جۇمىسىندا اقپاراتتىق-كوممۋنيكاتسيالىق تەحنولوگيالاردى ەنگىزۋ بويىنشا تۇسىنىك بەردى.
سوت جانە بۇقارالىق اقپارات قۇرالدارىنىڭ اراسىنداعى بايلانىستىڭ تيىمدىلىگى, سوت جۇيەسىنىڭ اشىقتىعى مەن قولجەتىمدىلىگى ماسەلەلەرى بويىنشا باق-پەن قارىم-قاتىناستى دامىتۋعا قوسقان ۇلەسى جانە جۇمىستاعى جوعارى كورسەتكىشتەرى ءۇشىن اقتوبە قالاسىنىڭ №2 سوتى ءبىرىنشى, اقتوبە وبلىسىنىڭ مامانداندىرىلعان اۋدانارالىق ەكونوميكالىق سوتى ەكىنشى جانە شالقار اۋداندىق سوتى ءۇشىنشى ورىندى يەلەنىپ, العىس حاتتارمەن ماراپاتتالدى.
كەزدەسۋ سوڭىندا باق وكىلدەرىنىڭ بارلىق ساۋالدارىنا جاۋاپ بەرىلىپ, سوت جۇيەسىندە جۇرگىزىلىپ جاتقان رەفورمالاردىڭ ماڭىزى مەن مازمۇنى ءتۇسىندىرىلدى.
ساتىبالدى ءساۋىرباي.
دەرەك, سۋرەت: egemen.kz.
