قوستانايدا مەملەكەتتىك-جەكەمەنشىك ارىپتەستىگى ورتالىعى اشىلدى

قوستاناي. 9 اقپان. قوستاناي وبلىسىندا جىل باسىنان بەرى «توبىل» الەۋمەتتىك-كاسىپكەرلىك كورپوراتسيا جانىنان مەملەكەتتىك-جەكەمەنشىك ارىپتەستىك ورتالىعى جۇمىس ىستەي باستادى. ورتالىق بيزنەس پەن مەملەكەتتىك ورگانداردىڭ ءوز ارا ارىپتەستىك قاتىناسىن ۇيىمداستىرۋ الاڭىنا اينالماق. بۇل تۋرالى egemen.kz ءتىلشىسى حابارلادى. مەملەكەتتىك-جەكەمەنشىك ارىپتەستىك ماسەلەلەرى بويىنشا اقپاراتتىق-ءتۇسىندىرۋ جانە كەڭەس بەرۋ ورتالىق جۇمىستارىنىڭ ءبىرى سانالادى. سونىمەن قاتار جەرگىلىكتى جەردە جاسالعان جوبالاردىڭ قۇجاتتارىن دايىنداسۋ, كەلىسىمدەر جاساۋ, بيۋدجەتتىك قارجىسىنا جاسالاتىن جوبالار قارجى-ەكونوميكالىق نەگىزىن تالداۋ سەكىلدى كوپتەگەن قىزمەتتەر اتقارىلاتىن بولادى. بۇگىنگى كۇنى ورتالىق وبلىس اكىمشىلىگىمەن بىرلەسىپ, جوبالار پۋلىن انىقتادى. وعان دەنساۋلىق سالاسىنان 5 جوبا, ءبىلىم سالاسىنان 8 جوبا, تۇرعىن ءۇي قۇرىلىسىنان 3, تۇرعىن ءۇي-كوممۋنالدىق شارۋاشىلىعىنان 2 جوبا ەنەتىن بولدى. مەملەكەتتىك-جەكەمەنشىك ارىپتەستىگى ورتالىعىنىڭ ديرەكتورى باقىتبەك مولداحالىقوۆ: «ارينە وسى جوبالارمەن ءتىزىم بىتپەيدى, الداعى ۋاقىتتا جاڭا ۇسىنىستار دا قارالاتىن بولادى», – دەدى. ءنازيرا جارىمبەتوۆا. دەرەك, سۋرەت: egemen.kz.