الماتى. 9 اقپان. الماتى قالاسىنداعى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا اقيىق اقىن مۇقاعالي ماقاتاەۆتىڭ 85 جىلدىعىنا وراي, تەاتردىڭ «كەيىپكەر كەلبەتى» مەيمان بۇرىشىندا اقىننىڭ ۇلى جۇلدىز مۇقاعالي ۇلى جانە «مۇقاعالي ماقاتاەۆ اتىنداعى حالىقارالىق قوعامدىق قورىنىڭ» ءتورايىمى باقىتكۇل قىدىربايقىزىمەن كەزدەسۋ كەشى وتەدى. بۇل تۋرالى egemen.kz ءتىلشىسى حابارلادى.
تەاتر قابىرعاسىندا كورەرمەندەر وزدەرىنىڭ سۇيىكتى اكتەرلەرىمەن كەزدەسىپ قانا قويماي, كوكەيىندەگى سۇراقتاردى قويىپ, بەتپە-بەت ديدارلاسا الادى. ال بۇل كەشتىڭ باستى ماقساتى – قازاقتىڭ ماڭدايىنا بىتكەن ۇلى پەرزەنتىنىڭ تۋعان كۇنىن ەسكەرۋسىز قالدىرماۋ جانە تەاترعا كەلۋشى قوناقتارعا ادەبيەتىمىزدىڭ التىن قورىنا ەنگەن ونەگەگە تولى اقىن ولەڭدەرىن ناسيحاتتاي وتىرىپ, ساحنادا اقىننىڭ وزىمەن «جۇزدەستىرۋ».
اقپاننىڭ 9-ى كۇنى ساعات 17:15-تە وتەتىن كەزدەسۋدەن سوڭ, تەاتر رەپەرتۋارىنداعى جاڭا تۋىندى مۇقاعالي ماقاتاەۆتىڭ «رايىمبەك! رايىمبەك!» (رەجيسسەرى قازاقستان رەسپۋبليكاسىنىڭ ەڭبەك سىڭىرگەن ءارتىسى – مۇرات احمانوۆ) پوەتيكالىق داستانى كوپشىلىك نازارىنا ۇسىنىلادى.
ايناش ەسالي.
دەرەك, سۋرەت: egemen.kz.
