تەگىن تاۋار

سەمەيدە الەۋمەتتىك دۇكەن اشىلدى سەمەي قالاسىندا «ءبارى دە ري­زا­­شىلىق ءۇشىن» اتاۋىمەن ەكى الەۋ­مەتتىك دۇكەن اشىلدى. دۇكەنگە مۇقتاج جاندار كەلىپ, وزدەرىنە قاجەتتى زاتتاردى تەگىن الۋىنا بولادى. اتالعان ورتالىقتى قۇرۋ يدەيا­سى «حالىق سۇيىكتىسى-2015» ۇلتتىق سىيلىعى بايقاۋىندا ەرەكشە اتالىپ ءوتىپ, ۇزدىك الەۋمەتتىك باس­تاما رەتىندە تانىلعان بولاتىن. دۇكەن سورەلەرى قالا تۇرعىندارىنىڭ قايتارىمسىز بەرەتىن تاۋارلارىنىڭ ەسەبىنەن تولىعىپ وتىرادى. ونىڭ ىشىندە تازا, ءتىپتى مۇلدەم كيىلمەگەن كيىمدەر, اياق كيىمدەر, بالالارعا ارنالعان زاتتار, ازىق-ت ۇلىك جانە باسقا دا تۇتىنۋ زاتتارى بار. زاتتاردى قابىلداۋ پۋنكتى قازىر جۇمىس ىستەپ تۇر. – بۇل دۇكەن – بيزنەستىڭ الەۋمەتتىك جاۋاپكەرشىلىگىنىڭ كورسەتكىشى ىسپەتتى. ءبىز قايىرىمدىلىق ءىستى قولداي وتىرىپ, شاعىن جانە ورتا كاسىپكەرلىك جەتەكشىلەرىن الەۋمەتتىك جاعىنان از قامتىلعان حالىققا قولداۋ كورسەتۋگە شاقىرامىز, – دەدى ۇلتتىق كاسىپكەرلەر پالاتاسىنىڭ شىعىس قازاقستان وبلىستىق فيليالىنىڭ ديرەكتورى يگور شاتسكي. ول سونداي-اق, دۇكەندى تاۋارمەن قامتاماسىز ەتىپ, كومەكتەرىن ۇسىنعان جەكەلەگەن كاسىپكەرلەرگە ريزاشىلىعىن ءبىلدىردى. ماسەلەن, الەۋمەتتىك دۇكەنگە «ۋك يۋنيس» جشس جالپى سوماسى 118,3 مىڭ تەڭگە تۇراتىن 910 دانا جاڭا ش ۇلىق سىيلاپ, ماتەريالدىق كومەك كورسەتسە, «سموك» بازارى 60 مىڭ تەڭگە كولەمىندە ويىنشىقتارمەن قامتاماسىز ەتتى. الەۋمەتتىك دۇكەندەردى قۇرۋ يدەياسى نەگىزىنەن قالا قوعامىنا تيەسىلى. بەلسەندىلەردىڭ باستاماسى بلوگەرلەردىڭ قىزۋ قولداۋىنا يە بولىپ, ۇزدىك الەۋمەتتىك باستاما رەتىندە تانىلعانى ءمالىم. – بۇل – جوعارى ماراپات. ءبىزدىڭ جوبامىز قالا تۇرعىندارىنان جاقسى باعا الىپ قانا قويماي, مۇقتاج جاندارعا شىن مانىندە كومەك كورسەتە الادى دەپ ويلايمىز. «ءبارى دە ريزاشىلىق ءۇشىن» دۇكەنىنىڭ قىزمەتىنە ساتتىلىك تىلەيمىز, – دەدى اتالعان شارانى ۇيىمداستىرۋشىلاردىڭ ءبىرى ليۋدميلا ميحايلوۆا. دۋمان اناش, «ەگەمەن قازاقستان». سەمەي.