ساپالى ءارى ارزان

حالىقتى ساپالى ءارى قولجەتىمدى باعاداعى اۋىل شارۋاشىلىعى ونىمدەرىمەن قامتاماسىز ەتۋ ماقساتىندا تالدىقورعانداعى «جەرۇيىق» كوممۋنالدىق بازارىندا جارمەڭكە ءوتتى. وعان وبلىس ورتالىعىنا جاقىن ورنالاسقان اقسۋ, سارقان, ەسكەلدى, قاراتال, كەربۇلاق اۋداندارىنىڭ فەرمەرلەرى 33 ءتۇرلى ەت, ءسۇت, بالىق سەكىلدى كۇندەلىكتى سۇرانىسقا يە ساپالى ونىمدەرىنەن تۇراتىن 55 توننا ازىق-ت ۇلىك اكەلىپ ساتتى. تالدىقورعاندىقتار قالىپتاسىپ العان بۇل جارمەڭكە سوڭعى جىلدارى اپتا سايىن وتكىزىلىپ تۇراتىندىقتان قالا حالقى قاشاندا اۋىل شارۋاشىلىعى ونىمدەرىن وندىرۋشىلەرگە رازى. بۇل ىقىلاستى ەرتە كوكتەمنەن قوڭىر كۇزگە دەيىنگى تىنىمسىز ەڭبەكتىڭ جەمىسى دەپ باعالايتىن شارۋا ادامدارى ەڭبەكتەرىن ەسەلەي تۇسۋدە. كوممۋنالدىق بازاردا تۇتىنۋشىعا دا, ساتۋشىعا دا ىڭعايلى, ەڭ باستىسى, ءوزارا تۇسىنىستىكتىڭ بۇزىلماۋىن ساقتاۋ ءۇشىن دالمە-ءدال ولشەيتىن تارازى قويىلعان. سونداي-اق, ازىق-ت ۇلىك باعاسى دا جەرگىلىكتى اتقارۋشى بيلىكتىڭ باقىلاۋىنا الىنعان. نەگىزى وبلىس ورتالىعىن اينالدىرا ورنىعا باستاعان الەۋمەتتىك ماڭىزى زور تاۋار بەلدەۋىن دامىتۋ ماقساتىندا جۇيەلى جۇمىس جاندانىپ كەلە جاتقانى ءمالىم. ونىڭ سىرتىندا كوممۋنالدىق بازاردىڭ جابىق ساۋدا ورىندارىنان تىس كوگىلدىر وتىنمەن جىلىتىلىپ, قالىپتى تەمپەراتۋرانى ساقتاپ تۇرا­تىن جالپى سىيىمدىلىعى 6000 توننا ازىق-ت ۇلىك قويماسى بار. الداعى ۋاقىتتا ماكارون ونىمدەرىن شىعاراتىن , ناۋبايحانا جانە تاعى دا باسقا ازىق-ت ۇلىك ونىمدەرىن قايتا وڭدەيتىن تسەح سالىنىپ, ىسكە قوسىلاتىندىعىنان دا «جەرۇيىق-تالدىقورعان» جشس ديرەكتورى اقشاباي كەرىمبەكوۆ حاباردار ەتتى. قورىتا ايتقاندا, اگرارلى وبلىستا ءوڭىر حالقى ساپالى اۋىل شارۋاشىلىعى ونىمدەرىن قولجەتىمدى باعادا ساتىپ الىپ, تۇتىناتىنىنا سەنىم مول. نۇربول الدىباەۆ, «ەگەمەن قازاقستان». تالدىقورعان.