مۇمكىندىكتەر سارالانعان كەزدەسۋ

قازاقستان رەسپۋب­ليكا­سىنىڭ تايلاند كورولدىگىندەگى ەلشىسى مارات ەسەنباەۆ تايلاند ساۋدا ءمينيسترى اپيرادي تانتراپورنمەن كەزدەسۋ وتكىزدى. كەزدەسۋ بارىسىندا تاراپتار ەكىجاقتى جانە كوپجاقتى ءپى­شىمدەگى ءوزارا ارەكەتتەستىكتىڭ بولاشاعىن تالقىلادى. قازاقستان ەلشىسى تاي ءمينيسترىن قازاقستاننىڭ اعىمداعى الەۋمەتتىك-ەكونوميكالىق احۋالىنان حاباردار ەتىپ, ەلباسىنىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» جولداۋى مەن «100 ناقتى قادام» ۇلت جوسپارى شەڭ­بەرىندەگى باعدارلارىمەن تانىس­تىردى. ا.تانتراپورن «قازاقستان مەن تايلاند ساۋدا جانە ينۆەستيتسيا سالا­لارىنداعى ءوزارا ارەكەتتەستىكتى كەڭەيتۋدە جوعارى الەۋەتكە يە ەكە­نىن» اتاپ ءوتتى. سونىمەن قاتار, مينيستر قازاقستاندى دۇنيەجۇزىلىك ساۋ­دا ۇيىمىنا كىرۋىمەن قۇتتىقتاپ, ەلدەر اراسىنداعى ساۋدا-ەكونوميكالىق الماسۋدى ارتاراپتاندىرۋعا نيەت ءبىلدىردى. تاراپتار اسەان (وڭتۇستىك-شىعىس ازيا مەملەكەتتەرىنىڭ قاۋ­ىم­داستىعى) ەكونوميكالىق قاۋىم­داس­­تىعى مەن ەۋرازيالىق ەكونو­ميكالىق وداق شەڭبەرىندەگى سەرىك­تەستىك مۇمكىندىكتەرىن دە تالقى­لادى. تايلاند ساۋدا ءمينيسترى ەاەو-عا قاتىسۋشى مەملەكەتتەرمەن ەركىن ساۋدا تۋرالى كەلىسىمگە وتى­رۋ مۇمكىندىگىن تالقىلاۋعا نيەت ءبىلدىردى. كەلىسسوزدەر بارىسىندا تاراپتار ەكى ەل كاسىپكەرلەرىنە بايلانىس ورناتۋدا قولعابىس ەتۋدىڭ ماڭىزدىلىعىن اتاپ ءوتتى. سۇحباتتاستار جاھاندىق ەكونوميكانىڭ قۇلدىراۋى كەزىندەگى بيزنەس بەلسەندىلىگى, سەرىكتەستەر ىزدەۋ مەن جاڭا جوبالاردى ىسكە اسىرۋ ەلدەر ەكونوميكاسى ءوسۋىنىڭ ماڭىزدى قوزعالتقىشى بولىپ تابىلادى دەگەن ورتاق پىكىرگە كەلدى. وسى ماقساتتا جاڭا ساۋدا-ينۆەستيتسيالىق جوبالاردى تالقىلاۋ ءۇشىن بيىل قازاقستانعا ساۋدا ميسسيالارىنىڭ ساپارلارىن ۇيىمداستىرۋ تۋرالى ۋاعدالاستىققا قول جەتكىزىلدى. «ەگەمەن-اقپارات».