جاڭارعان دەرەكقور

قازاقستان رەسپۋبليكاسىنىڭ قورعانىس مينيسترلىگى قارۋ-جاراقتى باقىلاۋ جانە ينسپەكتسيانى قامتاماسىز ەتۋ جونىندەگى ورتالىعىنىڭ وكىلدەرى ەۋروپاداعى كادىمگى قارۋلى كۇشتەر تۋرالى شارتقا (ەكقكش) قاتىسۋشى مەملەكەتتەر قارۋلى كۇشتەرىنىڭ حاباردار ەتىلگەن قۇرىلىمى بويىنشا سەمينارعا قاتىستى. سەمينار ناتو-نىڭ بريۋسسەلدەگى شتاب-پاتەرىندە ءوتتى. اتاپ وتىلگەندەي, سەمينار ماقساتى دەرەكتەر قورىنا ەنگىزە وتىرىپ, ناتو-عا قاتىسۋشى مەملەكەتتەر مەن سەرىكتەس ەلدەردىڭ قارۋلى كۇشتەرى تۋرالى دەرەكتەردى جاڭارتۋ بولىپ تابىلادى. كەزدەسۋ بارىسىندا قازاقستاندىق دەلەگاتسيا 2016 جىلعا ارنالعان دەرەكتى جاڭارتتى, بىرقاتار ەكى­جاقتى كەزدەسۋلەردى وتكىز­دى. ەلىمىز قارۋلى كۇش­تەرىنىڭ وكىلدەرى «Verity» دەرەك­قورى­مەن جۇمىس جاساۋ تۋرالى قا­جەتتى مالىمەتتەردى الدى. دە­رەك­قوردىڭ ءوزى جەكە قۇرامنىڭ, قارۋ-جاراق پەن تەحنيكانىڭ سانىن, قاتىسۋشى مەملەكەتتەر اراسىنداعى جۇرگىزىلەتىن ينسپەكتسيالار تۋرالى ەسەپتەردى قوسا ەسەپتەگەندە, ەكقكش شەڭ­­بەرىندە اقپارات جۇرگىزۋگە ارنالعان. بۇگىنگى تاڭدا ەۋروپاداعى كادىمگى قارۋلى كۇشتەر تۋرا­لى شارتقا قاتىسۋشىلار قازاق­ستان, رەسەي, ارمەنيا, ازەر­بايجان, بەلارۋس, بەل­گيا, بول­گاريا, ۇلىبريتانيا, ۆەن­­گريا, گەرمانيا, گرەكيا, گرۋ­زيا, دانيا, يسلان­ديا, يس­پا­نيا, يتاليا, ليۋكسەم­بۋرگ, مول­­دوۆا, نيدەر­لاند, نورۆە­گيا, پول­شا, پور­تۋ­گاليا, رۋ­مى­نيا, سلو­ۆاكيا, ءتۇر­كيا, ۋكراي­نا, فران­تسيا ءجا­نە چەحيا, سون­داي-اق, اقش پەن كانادا بو­لىپ تا­بى­لا­تىنىن ايتا كەتكەن ءجون. شارتقا سايكەس, ونى قولدانۋ اۋدانى – ارال اۋماقتارىن قوس­قاندا, اتلانت مۇحيتىنان باستاپ ورال تاۋلارى, ورال وزەنى­نەن كاسپي تەڭىزىنە دەيىن­گى اۋماق. قاتىسۋشى مەملە­كەتتەردە كادىمگى قارۋ-جاراق پەن جاۋىنگەرلىك تەحني­كا­نىڭ تەڭ سانىنىڭ بولۋىنا رۇق­سات ەتىلەدى. بۇل رەتتە, ولار­دىڭ جالپى جيىنتىق سانى 40 مىڭ جاۋىنگەرلىك تانك­تەن, 60 مىڭ جاۋىنگەرلىك برون­دال­عان ماشينادان, 40 مىڭ ارتيل­لە­ريا­لىق قۇرىلعىدان, 13 600 جاۋىن­گەرلىك ۇشاق پەن 4 000 جوي­عىش تىكۇشاقتان اس­پاۋى ءتيىس. «ەگەمەن-اقپارات».