قىزىلوردا. 1 اقپان. «تۇرعىن ءۇي قۇرىلىس جيناق بانكىنىڭ» «ءوز ءۇيىم» جاڭا باعدارلاماسى قىزىلوردا وبلىسىنان باستاۋ الدى. وسى باعدارلاما اياسىندا قىزىلوردا قالاسىندا 40 مىڭ شارشى مەتر 12 كوپقاباتتى تۇرعىن ءۇي سالىناتىن بولادى. بۇل تۋرالى وبلىس اكىمدىگىنىڭ ءباسپاسوز قىزمەتىنە سىلتەمە جاساعان egemen.kz حابارلادى.
وسى كەلىسىم نەگىزىندە قالاداعى «سىرداريا» مولتەك اۋدانىنان 100 پاتەرلىك 2 كوپقاباتتى تۇرعىن ءۇيدىڭ اعاشقى ىرگەتاسى قالاندى. ال قالعان 500 پاتەردى قۇرايتىن 10 كوپقاباتتى تۇرعىن ءۇي جاڭادان بوي كوتەرەتىن «اراي-3» شاعىن اۋدانىندا سالىنادى. بۇل جىل ىشىندە «ءوز ءۇيىم» باعدارلاماسى ارقىلى 600 قىزىلوردالىق باسپانالى بولادى دەگەن ءسوز.
مۇنان باسقا ءدال وسى كۇنى «وڭىرلەردى دامىتۋ» مەملەكەتتىك باعدارلاماسى اياسىندا «بايتەرەك» ۇلتتىق باسقارۋشى حولدينگى» اق-نىڭ قارجىلاندىرۋىمەن «ساۋلەت» شاعىن اۋدانىندا 350 پاتەردى قۇرايتىن 7 كوپقاباتتى تۇرعىن ءۇيدىڭ العاشقى ىرگەتاسى قالاندى. جوبانىڭ جالپى قۇنى 2 ملرد. 940 ملن. تەڭگە. وبلىس باسشىسى مەردىگەر مەكەمەگە قۇرىلىستىڭ ساپاسىنا ءمان بەرۋدى تاپسىردى.
قورىتا ايتقاندا, جىل باسىنىڭ وزىندە قىزىلوردادا 19 كوپقاباتتى تۇرعىن ءۇيدىڭ قۇرىلىسى باستالدى. وبلىس باسشىلىعى بيىل دا 2 مىڭنان استام سىربويىلىق باسپانالى بولادى دەپ جوسپارلاپ وتىر.
ەرجان بايتىلەس.
دەرەك, سۋرەت: egemen.kz
