دجوكوۆيچ Australian Open ءتۋرنيرىن 6-رەت جەڭىپ الدى

استانا. 31 قاڭتار. بۇگىن تەننيستەن «ۇلكەن دۋلىعا» ساناتىنداعى اۆستراليا اشىق چەمپيوناتى مارەسىنە جەتتى. ەكى اپتاعا جالعاسقان ءتۋرنيردىڭ ەرلەر اراسىنداعى باسەكەسىندە سەرب تەننيسشىسى نوۆاك دجوكوۆيچ جەڭىسكە جەتتى. ول فينالدا اعىلشىندار سەنىم ارتقان ەندي ماررەيدەن ءۇش سەتتە 6:1, 7:5, 7:6 ەسەبىمەن باسىم ءتۇستى. بۇل تۋرالى egemen.kz ءتىلشىسى حابارلادى. وسىلايشا, 28 جاستاعى دجوكوۆيچ اتالعان سايىستى 6-رەت جەڭىپ وتىر. ول بۇعان دەيىن Australian Open تۋرنيرىندە 2008, 2011, 2012, 2013 جانە 2015 جىلدارى توپ جارعان بولاتىن. سونداي-اق, سەربيالىق ءۇشىن بۇل «ۇلكەن دۋلىعا» تۋرنيرلەرىندەگى 11-جەڭىس ەكەنىن اتاپ وتكەن ءجون. ال ونىڭ قۇرداسى ماررەي وسىمەن 5-رەت اۆستراليا اشىق چەمپيوناتىنىڭ فينالىندا جەڭىلدى جانە سونىڭ تورتەۋىندە ءدال وسى دجوكوۆيچكە ەسە جىبەرگەن ەدى. ايتا كەتەيىك, كەشە ايەلدەر اراسىنداعى سايىستا سەنساتسيالىق ناتيجە تىركەلىپ, گەرمانيا سپورتشىسى انگەليك كەربەر چەمپيون اتاندى. ول شەشۋشى كەزدەسۋدە ازۋلى قارسىلاس – امەريكالىق سەرەنا ۋيليامستى 6:4, 3:6, 6:4 ەسەبىمەن جەڭىپ, «ۇلكەن دۋلىعا» ءتۋرنيرىن العاش رەت جەڭىپ الدى. ەلامان قوڭىر. دەرەك: egemen.kz. سۋرەت: sport-express.ru.