ساۋد ارابياسىندا بولعان جارىلىستان 4 ادام قازا تاپتى

استانا. 30 قاڭتار. ساۋد ارابياسىنىڭ شىعىسىنداعى ەش-شاركيا ايماعىندا ورنالاسقان مەشىتتەردىڭ بىرىندە جارىلىس بولىپ, 4 ادام قازا تاپتى. ب ۇلى تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى. لاڭكەستەر ۇيىمداستىرعان جارىلىستان تاعى 18 ادام ءتۇرلى جاراقات الىپ, جاقىن ماڭايداعى اۋرۋحانالارعا جەتكىزىلدى. جەرگىلىكتى تىلشىلەر العاشىندا 2 ادامنىڭ قازا تاۋىپ, 7 تۇرعىننىڭ جاراقات العانىن حابارلاعان بولاتىن. ءتارتىپ ساقشىلارى جۇما ناماز كەزىندە مەشىتكە كىرە بەرىستە ەكى سودىردىڭ جارىلىس ۇيىمداستىرىپ, ارتىنان اتىسا كەتكەندەرىن مالىمدەدى. «ولاردىڭ ءبىرى قۇلشىلىق ۇيىنە كىرە بەرىستە ءوزىن ءوزى جارىپ جىبەردى. ال قاسىنداعى سەرىگى مەشىت كۇزەتشىلەرىمەن اتىسا كەتتى. ابىروي بولعاندا ولار لاڭكەستىك ارەكەتكە بارعان ادامدى جارالى كۇيىندە قولعا تۇسىرە ءبىلدى. تەرگەۋ كەزىندە ۇستىندە جارىلعىش زاتتار ورنالاسقان بەلبەۋى تاركىلەندى», – دەيدى جەرگىلىكتى مينيسترلىك. ايان ءابدۋالي. دەرەك: interfax.ru. سۋرەت: en.trend.az.