جىرى الەمدى شارلاعان

قازاقستان جازۋشىلار وداعى جىر الىبىنىڭ 170 جىلدىق مەرەيتويىنىڭ قارساڭىندا «جامبىل ايلىعىن» جاريالادى ۇستىمىزدەگى جىلدىڭ اقپان ايىنىڭ 28-ىندە قازاقستان حالقى جىر الىبى جامبىلدىڭ 170 جىلدىعىن تويلايدى. وسىعان وراي قازاقستان جازۋشىلار وداعىندا «جامبىل ايلىعى» باستالىپ, جۋرناليستەرگە ارنالعان العاشقى باس­پاسوز ءماسليحاتى ءوتتى. جينالىستى جۇرگىزگەن جازۋشى, جامبىلتانۋشى عالىم ناعاشىبەك قاپالبەكوۆ ايلىق كەزىندە رەسپۋبليكامىزدىڭ تۇكپىر-تۇكپىرىندە ۇيىمداستىرىلاتىن يگى شارالاردىڭ – ۇلى اقىننىڭ مۇراسىن زەرتتەۋ, زەردەلەۋ باعىتىنداعى ءتۇرلى كەشتەر مەن عىلىمي كونفەرەنتسيالاردىڭ, سيمپوزيۋمدار مەن ءان-جىر كەشتەرىنىڭ باعدارلاماسى تۋرالى ايتىپ بەردى. ال ءوز ءسوزىن: – جامبىل مەنىڭ ءوز اتىم, حالىق – مەنىڭ شىن اتىم, – دەگەن ۇلى اقىننىڭ جىرىمەن باستاعان قازاقستان جازۋشىلار وداعى باسقارماسىنىڭ توراعاسى, سەناتور نۇرلان ورازالين مەرەيتويدىڭ قازاقستان جازۋشىلار وداعىندا «جىرى الەمدى شارلاعان» اتتى سازدى-كەشتەن باستالۋىنىڭ جايدان-جاي ەمەستىگىنە توقتالدى. «ويتكەنى, اقىندىق ونەرىمەن الەمدى جاۋلاپ العان جامبىل ەسىمى ەشقانداي دا تانىستىرۋدى قاجەت ەتپەيتىن فەنومەن قۇبىلىس», دەدى تەبىرەنە سويلەگەن اقىن-سەناتور نۇرلان ورازالين. ەلوردامىز استانادا «جامبىل ايلىعىنىڭ» اياسىندا دا اقپاننىڭ 18-ءى كۇنى «جىر الىبىنا تاعزىم» اتتى ادەبي سازدى كەش وتەدى. جازۋشىلار وداعىنىڭ ۇلكەن زالىندا اقىندار جىردان شاشۋ شاشتى. اتاقتى «ءسۇيىنباي سازى» ءانسامبلى كونتسەرت قويدى. تالعات ءسۇيىنباي, «ەگەمەن قازاقستان». الماتى.