نار جولىندا جۇك قالمايدى

«نۇر وتان» پارتياسىنىڭ كەزەكتەن تىس ءXVIى سەزىنە دەلەگات بولىپ قاتىسۋ باقىتىنا يە بولدىم. جالپى, بالا كۇنىمنەن سەزد دەلەگاتتارىنا دەگەن قۇرمەتىم ەرەكشە بولاتىن. مەنىڭ سول كەزدەگى ۇعىمىمدا ولار بارشامىزدىڭ كوكەيىمىزدە جۇرگەن ءتۇرلى سۇراقتارعا جاۋاپ تاۋىپ, كۇردەلى ماسەلەلەردى شەشەتىن, ءبىر سوزبەن ايتقاندا, ەلدىڭ مۇڭىن مۇڭداپ, جوعىن جوقتايتىن ىزگى جاندار رەتىندە قالىپ قويعان ەدى. ەندى ات جالىن تارتىپ ءمىنىپ ەسەيگەن كەزىمىزدە دە وسى قۇندىلىقتاردىڭ وزگەرمەگەنىنە كوزىم جەتتى. جاقسى وزگەرىستەر الدىنداعى القالى جيىن مەنى ەرەكشە سەزىمگە بولەدى, ساناما مەملەكەتشىلدىك نۇرىن قۇيىپ, يگى ىستەردىڭ باستاۋىندا جۇرسەم دەگەن نيەتىمە كۇش-قۋات بەردى. سەزد جۇمىسىنا كەلەر بولساق, «نۇر وتان» ءدال قازىرگى قيىن ۋاقىتتا ءبىزدىڭ ەلدىڭ تاعدىرىنا جاۋاپ بەرەتىن ساياسي كۇش ەكەنىن تاعى ءبىر مارتە كورسەتتى. پارتيا كوشباسشىسى, ەلىمىزدىڭ تۇڭعىش پرەزيدەنتى ءبىزدىڭ ۇيىمنىڭ الدىندا تۇرعان اسقارالى مىندەتتەردى اتاپ كورسەتتى, بولاشاققا جول سىلتەدى, سەنىم ءبىلدىردى. ەلباسىنىڭ جىگەرلى دە مازمۇندى ءسوزى سەزد دەلەگاتتارىنا ۇلكەن وي سالدى, ولاردىڭ حالىق الدىنداعى جاۋاپكەرشىلىگىن ارتتىرا ءتۇستى دەگەن سەنىمدەمىن. ءيا, پارتيانىڭ سايلاۋالدى باعدارلاماسى قابىلدانىپ, ۇيىمىمىزدىڭ اتىنان دەپۋتاتتىققا ۇمىتكەرلەر انىقتالدى. بۇگىنگى كۇننىڭ شىندىعى پارتيا قاتارىنداعى جاڭاشا مازمۇندا ويلايتىن, جان-جاقتى ءبىلىمى بار, پاراسات-پايىمى مول ۇمىتكەرلەردىڭ سىنعا تۇسكەنىن قالايدى. ەندىگى ماقسات – ەلباسى, پارتيامىزدىڭ توراعاسى نۇسقاعان جولمەن ءجۇرىپ, حالىقتىڭ ءسوزىن سويلەپ, سەنىمىن اقتاۋ. البەتتە, بۇل جالاڭ ءسوز بولماۋى ءتيىس. ءدال قازىرگى ۋاقىتتا ءبىزدىڭ ەكونوميكامىزدا, الەۋمەتتىك سالادا قوردالانىپ قالعان ماسەلەلەر جەتكىلىكتى. وسى جانە حالىقتىڭ كوكەيىندە جۇرگەن باسقا دا پروبلەمالاردىڭ شەشىمىن تابۋدىڭ ءوزى ەلباسىنىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسىندا اتاپ كورسەتكەن مىندەتتەرمەن قابىسىپ جاتىر. الدىمىزدا سىن تۇر. سەنىم ارتىپ, قولداۋ ءبىلدىرىپ تۇرعان قارا ورمان حالقىمىز باردا قانداي دا بولسىن قيىندىقپەن قايمىقپاي كۇرەسۋىمىز كەرەك. «نار جولىندا جۇك قالماس» دەگەن دانا حالقىمىز. كەزەكتەن تىس سەزدەن كەيىن ەل سەنىمىن ارقالاعان نار پارتيا «نۇر وتاننىڭ» دا جولىندا ورىندالماعان مىندەت, اقتالماعان ءۇمىت قالماسىنا سەنىمدىمىن! بەكزات التىنبەكوۆ, «نۇر وتان» پارتياسىنىڭ مۇشەسى, كاسىپكەر, جەزقازعان قالالىق ءماسليحاتىنىڭ دەپۋتاتى, جالپىۇلتتىق «التىن جۇرەك» سىيلىعىنىڭ يەگەرى.