فرانتسيانىڭ بەلگىلى اۆتوكونتسەرنى يراندا قۇراستىرىلاتىن بولادى

استانا. 29 قاڭتار. فرانتسيانىڭ ايگىلى PSA Peugeot Citroen اۆتوكونتسەرنى يران مەملەكەتىندە قۇراستىرىلاتىن بولادى. بۇل تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى. يران پرەزيدەنتى حاسان روۋحانيدىڭ فرانتسياعا بارعان ساپارىندا Iran Khodro مەن Peugeot اۆتوكومپانيالارى اراسىندا كەلىسىمشارت جاسالدى. بىرلەسىپ كاسىپورىن اشقان سوڭ, فرانتسيالىق كولىكتىڭ ءۇش ۇلگىسى شىعارىلادى. سونداي-اق, يران حالقىنا ارنالعان كولىكتىڭ ەكى ءتۇرىن ويلاپ تاپپاق. جەرگىلىكتى مامانداردىڭ ايتۋىنشا, 2014 جىلى يراندا 900 مىڭ جەڭىل ماشينا ساتىلىپ, 1,1 ميلليون جەڭىل جۇك كولىگى شىعارىلعان. بۇل جالپى ىشكى ءونىمنىڭ 10 پايىزىن قۇرايدى. حاسان روۋحانيدىڭ پاريجگە بارعان ساپارىندا 15 ميلليارد ەۋرو كولەمىندە بىرقاتار كەلىسىمشارت جاسالدى. ولاردىڭ قاتارىندا Airbus اۋە كومپانياسىنىڭ 118 ۇشاعىن ساتىپ الۋ جونىندەگى ءوزارا كەلىسىم دە بار. ايتا كەتەيىك, يرانعا سالىنعان سانكتسيالار الىنعان سوڭ, 500-گە جۋىق جاڭا جولاۋشىلار ۇشاعىنىڭ قاجەت ەكەنىن اۆياتسيا ۇيىمى مالىمدەگەن بولاتىن. ايان ءابدۋالي. دەرەك: interfax.ru. سۋرەت: challenges.fr.