الماتى. 28 قاڭتار. الماتى وبلىسىنىڭ ءۇشارال قالاسىنان تالدىقورعانعا بەت العان «اسپان» كومپانياسىنىڭ بورت ءنومىرى UP-MD 600-N تىك ۇشاعى جوعالدى. بۇل تۋرالى قازاقستان رەسپۋبليكاسىنىڭ ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تىكۇشاقتا 5 ادام بولعان. ولار ۇشقىش ۆ. كوندراتيۋك (1967 ج.), دارىگەر-گەماتولوگ ب.قايسانوۆ (1964 ج.), فەلدشەر گ.حاميتوۆا (1993 ج.), قارلىعاش ابىلقاسىم (1989 ج.) جانە ونىڭ ءسابيى باعىم ابىلقاسىم (2015 ج.) تىكۇشاق ۇشارالدىق ناۋقاس ءسابيدى تالدىقورعانعا جەتكىزۋگە باعىت العان.
قازاقستان رەسپۋبليكاسى ىشكى ىستەر مينيسترلىگىنىڭ بۇيرىعىمەن ىزدەستىرۋ جۇمىستارى جۇرگىزىلىپ جاتىر. جەدەل توپتىڭ قۇرامىندا 75 ادام, 11 ارناۋلى تەحنيكا بار. سونداي-اق, وبلىستىق ىشكى ىستەر قىزمەتىنىڭ ارنايى جاساقتالعان توبى, اسكەريلەر بارلىعى 500- گە جۋىق ادام ىزدەسترۋ جۇمىستارىمەن اينالىسۋدا. وبلىستىق توتەنشە جاعدايلار قىزمەتى تىكەلەي حابارلاسۋعا مىنانداي 8-7282-220460 تەلەفون ءنومىرىن جاريالادى.
تالعات ءسۇيىنباي.
دەرەك, سۋرەت: قازاقستان رەسپۋبليكاسىنىڭ ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى.
