فوتو: ءىىم
ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى قۋاندىق ءالجانوۆتىڭ ايتۋىنشا, بيىلعى 3 ايدىڭ ىشىندە 34 جاسىرىن ەسىرتكى زەرتحاناسى جويىلعان (10-ى سينتەتيكالىق, 24-ءى فيتوزەرتحانا).
«مىسالى, تالدىقورعان قالاسىندا شەتەل ازاماتتارى بىردەن ەكى ەسىرتكى زەرتحاناسىن ۇيىمداستىرعان. جابدىقتار, رەاگەنتتەر جانە دايىن ەسىرتكى ونىمدەرى تاركىلەندى. كۇدىكتىلەردىڭ ارەكەتتەرى DarkNet ارقىلى جۇرگىزىلگەن. جالپى زاڭسىز اينالىمنان شامامەن 3 توننا ەسىرتكى, ونىڭ ىشىندە 840 كيلوگرامم سينتەتيكا تاركىلەندى. بۇل 3 ميلليوننان استام ءبىر رەتتىك دوزاعا تەڭ. ەسىرتكى بيزنەسىنە كەلتىرىلگەن شىعىن 29 ميلليارد تەڭگەدەن استام», دەدى ق. ءالجانوۆ.
جەتىسۋ وبلىسىندا ەسىرتكى دايىنداۋمەن اينالىسقان 2 شەتەلدىك ازامات ۇستالدى
سونىمەن قوسا, 11 توننا پرەكۋرسور اينالىمعا جىبەرىلمەدى. شامامەن 6 مىڭ تۇرعىننىڭ جانە 108 مىڭ شەتەلدىكتىڭ ەسەپشوتى بۇعاتتالىپ, ولار بويىنشا بارلىق ترانزاكتسيا تۇرىنە شەكتەۋ قويىلدى. 93 ميلليون تەڭگە كولەمىندەگى قاراجات توقتاتىلدى.
اتالعان باعىت بويىنشا جۇمىستار جالعاسىپ جاتىر.
قاراعاندىدا ەسىرتكىگە قارسى اۋقىمدى اكتسيا ءوتتى: 2 مىڭنان استام گراففيتي جويىلدى
