فوتو: اشىق دەرەككوز
جاڭا مەكتەپتەردە بۇگىندە 200 مىڭنان استام وقۋشى ءبىلىم الىپ جاتىر, ال ساباق ۇدەرىسىن 16 000-نان استام مۇعالىم زاماناۋي ادىستەر ارقىلى جۇرگىزىپ وتىر. بۇل ءبىلىم بەرۋ ساپاسىن ارتتىرۋعا جانە وقۋ پروتسەسىن جاڭاشا ۇيىمداستىرۋعا مۇمكىندىك بەرىپ وتىر.
مۇعالىمدەردىڭ كاسىبي دامۋىنا دا ەرەكشە كوڭىل ءبولىنىپ وتىر. قازىرگى تاڭدا 10 000-نان استام پەداگوگ جاساندى ينتەللەكت, تسيفرلىق قۇرالدار, STEM باعىتى جانە جاڭا پەداگوگيكالىق تاسىلدەر بويىنشا ارنايى كۋرستاردان ءوتتى.
وقىتۋ سەمينارلارى – زياتكەرلىك مەكتەپتەر, ء«بىلىم-يننوۆاتسيا» ليتسەيلەرى جانە «ورلەۋ» ورتالىعىنىڭ بازاسىندا ۇيىمداستىرىلىپ كەلەدى. بۇل الاڭدار پەداگوگتەردىڭ تاجىريبە الماسۋىنا جانە جاڭا ءبىلىم بەرۋ ادىستەرىن مەڭگەرۋىنە جول اشىپ وتىر.
سونىمەن قاتار مەكتەپ ديرەكتورلارىن ىرىكتەۋ جۇيەسى دە جاڭارتىلدى. باسشىلىق قىزمەتكە تاجىريبەلى پەداگوگتەرمەن قاتار ء«بىلىم بەرۋدەگى وزگەرىستەردىڭ 1000 كوشباسشىسى» جوباسىنىڭ تۇلەكتەرى دە تاعايىندالىپ جاتىر.
ديرەكتورلار ستراتەگيالىق كونفەرەنتسيالار اياسىندا STEM-ءبىلىم بەرۋ مودەلىن مەڭگەرىپ, دارىندى وقۋشىلاردىڭ قابىلەتىن دامىتۋ, كادرلىق الەۋەتتى كۇشەيتۋ جانە جاساندى ينتەللەكت نەگىزىندە ساباق جوسپارلاۋ ادىستەرىن ۇيرەنىپ جاتىر.
جوبا شەڭبەرىندەگى بۇل باستامالار ەلىمىزدەگى مەكتەپتەردىڭ ساپاسىن ارتتىرىپ, ءبىلىم بەرۋ جۇيەسىن جاڭا دەڭگەيگە كوتەرۋگە باعىتتالعان.
