جوبا قازۇۋ ينكليۋزيۆتى عىلىمي-تاجىريبەلىك ورتالىعى, «الەۋمەتتىك ينكليۋزيۆتى باعدارلامالار ورتالىعى» قوعامدىق قورى, Balalaroom كلۋبى جانە DeFactoFm پورتالىمەن بىرلەسە جۇزەگە اسىرىلدى. جاتتىقتىرۋشى ميحايل تەيفەلدىڭ ايتۋىنشا, ۇستەل ءۇستى ويىندارى ستراتەگيالىق ويلاۋدى, زەيىن مەن قيمىل ۇيلەسىمدىلىگىن دامىتۋمەن قاتار, قاتىسۋشىلار اراسىندا تەڭ قارىم-قاتىناس ورناتۋعا سەپتىگىن تيگىزەدى.
ۇيىمداستىرۋشىلار چەمپيوناتتىڭ الداعى ۋاقىتتا حالىقارالىق تاجىريبە الماسۋ الاڭىنا اينالاتىنىنا سەنىم ءبىلدىردى. شەتەلدىك ساراپشىلار مەن سەرىكتەستەردى تارتۋ ارقىلى دا جوبانىڭ الەۋمەتتىك ماڭىزى مەن اۋقىمىن كەڭەيتۋ جوسپارلانىپ وتىر.
سونىمەن قاتار چەمپيونات اياسىندا مەكتەپ وقۋشىلارىن ۇستەل ءۇستى ويىندارىنا باۋلۋ جانە ولاردىڭ تانىمدىق داعدىلارىن جەتىلدىرۋ باعىتىنداعى جۇيەلى دايىندىق جۇمىستارى جۇرگىزىلىپ كەلەدى. ساباقتار الماتى قالاسىنداعى BALALAROOM كلۋبىندا وتكىزىلەدى. جاتتىعۋ ۇدەرىسى تەك سپورتتىق ناتيجەلەرگە عانا ەمەس, سونىمەن بىرگە الەۋمەتتەنۋگە, كوماندالىق ءىس-قيمىلدى نىعايتۋعا جانە بەلسەندى دەمالىس مادەنيەتىن قالىپتاستىرۋعا نەگىزدەلگەن.
قازۇۋ بازاسىنداعى بۇل باستاما ينكليۋزيۆتى ورتانى ۇزاق مەرزىمدى دامىتۋعا جانە قوعامنىڭ بارلىق ساناتى ءۇشىن سالاۋاتتى ءومىر سالتىن ىلگەرىلەتۋگە مۇمكىندىك بەرەدى.
