قوستاناي. 28 قاڭتار. بيىل 75 جاسقا تولىپ وتىرعان بەلگىلى سۋرەتشى گەورگي سوكوۆ مەرەيتويلىق كورمەسىن «دوستار مۋزەيى» دەپ اتاپتى. ول كورمەگە ءوزىنىڭ سۋرەتشى دوستارى ءار جىلدارى سىيلاعان شىعارمالاردى توپتاستىرىپتى. بۇل تۋرالى alau.kz سايتىنا سىلتەمە جاساعان egemen.kz ءتىلشىسى حابارلادى.
گەورگي سوكوۆ ءوزىنىڭ دوستارى مەن ارىپتەستەرى سىيلاعان سۋرەتتەردى جىلدار بويى جيناپ كەلگەن. ولاردىڭ كەيبىرىنە 50 جىلعا جۋىقتاعان. سوندىقتان سۋرەتشىنىڭ بۇل كورمەسىندەگى شىعارمالار دا ءتۇرلى جانردا بولدى.
سۋرەتشى گەورگي سوكوۆ: «ماعان ءار سۋرەت قىمبات. ولار مەنىڭ وتكەن عۇمىرىم مەن جىلدارىمدى, دوستارىمدى, جاستىعىمدى ەسكە سالادى. وسى سۋرەتتى سىيلاعان كىسىلەردىڭ ءبىرازى قازىر بۇل دۇنيەدە جوق. بۇل سۋرەتتەردىڭ ەشقايسىسىن جوعالتپاي ۇيدە ساقتاعانمىن. دەگەنمەن ولاردىڭ سورەدە جاتقانى ءبىر بولەك تە, كورمە رەتىندە جۇرتتىڭ نازارىنا ۇسىنعانىم ءتىپتى ەرەكشە ەمەس پە؟», – دەدى.
سۋرەتشىنىڭ مەرەيتويىنا وراي جاقىن كۇندەرى ونىڭ تەاتر ەسكيزدەرى سۇڭعات جانە كەسكىندەمە جانرىنداعى شىعارمالارىنىڭ ەكى كورمەسى اشىلاتىن بولادى.
ءنازيرا جارىمبەتوۆا.
دەرەك, سۋرەت: alau.kz.
