ىقپالداستىق جالعاسادى

ماسكەۋ قالاسىندا ءال-فارابي اتىن­داعى قازاق ۇلتتىق ۋنيۆەرسيتەتى (قازۇۋ) مەن م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (ممۋ) ارا­سىندا ىنتىماقتاستىق تۋرالى كەلى­سىمگە قول قويۋ ءراسىمى ءوتتى, دەپ حابارلادى قازاقستاننىڭ رەسەيدەگى ەلشىلىگىنىڭ باس­پاسوز قىزمەتى. قۇجات ۋنيۆەرسيتەتتەر رەكتورلارى عالىم­قايىر مۇتانوۆ پەن ۆيكتور ءسادوۆنيچيدىڭ قولدارىمەن بەكىتىلدى. ال كەلىسىم ستۋدەنتتەر مەن مۇعالىمدەر اراسىندا الماسۋ, ءوزارا عىلىمي تاعىلىمدامالار وتكىزۋ, بىرلەسكەن ءبىلىم بەرۋ باعدارلامالارىن دايىنداۋ جانە ولاردى ىسكە اسىرۋ, اكادەميالىق كەزدەسۋلەردى, سيمپوزيۋمدار مەن عىلىمي مەكتەپتەردى, بىرلەسكەن زەرتتەۋ جۇمىستارىن ۇيىمداستىرۋ جانە ت.ب. شارالاردى قامتيدى. – قازاقستاندىق ارىپتەستەرىمىزبەن ىنتىماق­تاستىعىمىز ونجىلدىقتارعا سوزىلىپ, بۇرىننان جالعاسىپ كەلەدى, – دەدى ۆ.سادوۆنيچي. – ارا­مىزداعى بايلانىستارىمىز ايتارلىقتاي, ءبىز دوس جانە سەرىكتەسپىز. قازۇۋ تۇلەكتەرى ممۋ اسپيرانتۋراسىندا وقىپ جانە, كەرىسىنشە, ممۋ تۇلەكتەرى قازۇۋ اسپيرانتۋراسىندا ءوز وقۋلارىن جالعاستىرۋدا. جاڭا كەلىسىم ءبىزدىڭ قارىم-قاتىناسىمىزعا ماڭىزدى سەرپىن بەرەتىنىنە سەنىمدىمىن. ءوز كەزەگىنە ع.مۇتانوۆ تاڭداۋلى 300 QS ( ۇلىبريتانيا) ايگىلى حالىقارالىق رەيتينگىنە تمد جوعارى ءبىلىم ورىندارىنىڭ ۇشەۋى عانا كىرگەنىن ەسكە سالىپ ءوتتى: ممۋ, سپبمۋ جانە قازۇۋ. – كەلىسىم ەۋرازيالىق ەكونوميكالىق وداق­تىڭ شەڭبەرىندە پايدا بولعان كوپتەگەن عىلىمي ماسەلەلەردى بىرىگىپ شەشۋگە مۇمكىندىك بەرەدى, – دەدى قازۇۋ رەكتورى. ماسكەۋ.