جەكەشەلەندىرۋ قادامدارى

ەلباسى ن.نازارباەۆ ءوزىنىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جاڭا جولداۋىندا دا, «ۇلت جوسپارى – قازاقستاندىق ارمانعا باستايتىن جول» اتتى ماقالاسىندا دا مەملەكەت يەلىگىنەن شىعارۋ مەن جەكەشەلەندىرۋگە ۇلكەن باسىمدىق بەرىلەتىنىن اتاپ ايتقان بولاتىن. مەملەكەت يەلىگىندەگى اكتيۆتەردى باسقارۋدىڭ پايدالى جولى جەكەمەنشىككە ءادىل نارىق باعاسىمەن ساتىلىپ, ءتيىمدى پايدالانۋ رەفورمالاردىڭ باستى باعىتتارىنىڭ ءبىرى بولۋى كەرەكتىگى دە ۇكىمەتكە بەرىلگەن تاپسىرمالاردا ايقىن كورسەتىلگەن. بۇگىنگى تاڭدا بۇل تاپسىرما قىزۋ ورىندالىپ جاتىر. قارجى مينيسترلىگىنىڭ سوڭعى دەرەكتەرىنە قاراعاندا, جەكەشەلەندىرۋدىڭ 2014-2016 جىلدارعا ارنالعان كەشەندى جوسپارى بويىنشا ساتىلعان مەملەكەتتىك مەنشىك نىساندارىنان بيۋدجەتكە بارلىعى 5 ملرد. 509 ملن. تەڭگە كىرىس ءتۇستى. مينيسترلىكتىڭ ۆەب-سايتىنداعى مالىمەتتەرگە سايكەس, 2014-2016 جىلدارعا ارنالعان ساتۋ كەستەسى بويىنشا 833 نىسان ساتۋعا جوس­پار­لانعان. 2016 جىلدىڭ 5 قاڭتا­رىنداعى مالىمەتكە سايكەس, سونىڭ 428-ءى ساتۋعا شىعارىلىپ, 229-ى جاڭا يە­لەرىن تاپتى. جوعا­رىدا اتال­عان كىرىس سولاردى ساتۋ­دان ءتۇسىپ, بيۋد­جەتتىڭ تابىس بولىگىن تولىق­تىردى. اتالعان نىسان­دار­دىڭ 15-ءى رەسپۋبليكالىق, 114-ءى كوممۋنالدىق مەنشىكتە بولعان ەدى. سونداي-اق, الەۋمەتتىك كاسىپكەرلىك كورپوراتسيالار (اكك) مەنشىگىندە بولعانى – 60, ال قالعان 50-ءى حولدينگتەردىڭ ەسەبىندە بولعان. ايتا كەتەتىن جايت, 2014-2016 جىل­دارداعى ساتۋ كەستەسىنە سايكەس رەسپۋبليكالىق مەنشىكتەن بارلىعى – 41, كوممۋنالدىق مەن­شىكتەن – 243, اكك-دەن – 109, ۇلتتىق كومپانيالاردان 111 نىسان ساتۋعا قويىلادى. ايان قۋاندىق.