قوس تاراپتى وقىتۋ – ومىرشەڭ

اپتا سوڭىندا ورتالىق كوممۋنيكاتسيالار قىزمەتىندە قوس تاراپتى دۋالدى وقىتۋدى ەنگىزۋ ماسەلەلەرى بويىنشا بريفينگ وتكىزىلدى. بريفينگتە ءبىلىم جانە عىلىم ۆيتسە-ءمينيسترى ەسەنعازى يمانعاليەۆ, سونداي-اق, بەلسەندى دۋالدى وقىتۋ ەنگىزىلىپ وتىرعان كوللەدج وكىلدەرى جانە ولاردىڭ ارىپتەستەرى قاتىستى. ءباسپاسوز ءماسليحاتى بارىسىندا ەڭبەك نارىعىنا بىلىكتى كادرلاردى دايارلاۋدىڭ ماڭىزدىلىعىنا ءمان بەرىلدى. – 2012 جىلدان باستاپ قا­زاقستاندا دۋالدى وقىتۋ ەنگى­زىل­گەنى بەلگىلى. بۇل ءۇشىن جاڭا ەڭبەك كودەكسىنە «دۋالدى وقى­تۋ», «دۋالدى وقىتۋ بويىنشا كە­لىسىم» ۇعىمدارى جانە «دۋالدى وقىتۋ» اتتى جاڭا باپ ەنگىزىلدى. «ءبىلىم تۋرالى» قازاقستان رەس­­­پۋبليكاسى زاڭىنىڭ ۇعىم­­­دىق اپپاراتىنا, ءبىلىم جانە عىلىم مينيسترلىگىنىڭ, جەرگىلىكتى اتقارۋشى ورگاندار­دىڭ قۇزىرەتتەرىنە, ءبىلىم بە­رۋ پراكتيكاسىنا 60 پايىز ءوز­گە­رىستەر مەن تولىقتىرۋلار ەن­­گىزىلدى. قازىرگى ۋاقىتتا دۋالدى وقىتۋ ەلەمەنتتەرى 348 كوللەدج­گە ەنگىزىلدى (2013 جىلى – 176 كوللەدج, 2014 جىلى – 280 كوللەدج), 1718 كاسىپورىنمەن 22223 ستۋدەنت, 1952 ءۇش-ءتورت جاق­تى شارتتار مەن كەلىسىمدەر جاساستى. سونىڭ ىشىندە 10 نەگىزگى سالا بويىنشا, 86 ماماندىق جانە 159 بىلىكتىلىگى اسا قاجەتتى مۇنايگاز, حيميا, مەتاللۋر­گيا, اۋىلشارۋاشىلىق, ەنەر­گە­تي­كالىق, قۇرىلىس ما­ماندىقتارى بار. دۋالدى وقىتۋ نىسانىن تالداۋ دۋالدى وقىتۋدى ەنگىزگەن كول­لەدجدەردىڭ سانى ارت­قا­نىن كورسەتتى. ول 2015 جىلى 68 بىرلىككە كوبەيگەن. دۋالدى وقى­تۋ جۇيەسىنە قوسىلعان كول­لەد­جدەر مەن كاسىپورىندار سا­نىنىڭ ارتۋى ستۋدەنتتەردى جۇ­­­مىس­قا ورنالاستىرۋعا ءۇل­كەن كومەك بولىپ وتىر, دە­دى ءبى­لىم جانە عىلىم ۆيتسە-مي­نيسترى ەسەنعازى يمانعاليەۆ. «دۋالدى وقىتۋدىڭ سترا­تەگيالىق اليانسى» جوباسى شەڭبەرىندە گەر­ما­نيا كا­سىپ­ورىن­دارىمەن ىنتى­ماقتاستىق جالعاسۋدا. Evonik Industries AG, الەمدەگى ەڭ ءىرى تسەمەنت, بە­­تون جانە مەتالل-قۇرىلىم شىعا­راتىن حيميالىق كونتسەرن, سونىمەن قاتار, CLAAS ي John Deere اۋىلشارۋاشىلىق تەحنيكالارىن شىعاراتىن الەمدىك كوشباسشى. 2016 جىلدىڭ 15-19 اقپان ارالىعىندا وسكەمەن قۇ­رىلىس كوللەدج بازاسىندا نەمىس ساراپشىلارىنىڭ باس­شىلىعىمەن بىرنەشە سەمينار وتكىزۋ جوسپارلانعان. GIZ-بەن ءبىر­لەسىپ ەلەكتروندىق بازانى قۇرۋ جانە دۋالدى وقىتۋ بويىن­شا مونيتورينگ جۇرگىزۋ ءۇشىن ەلەك­تروندىق پورتال ازىرلەنگەنىن دە ەستەرىڭىزگە سالا كەتسەك دەيمىز. راۋان قايدار, «ەگەمەن قازاقستان».