«اققۇم» – ەڭ ۇزدىك باستاۋىش ۇيىم

باستاۋىش پارتيا ۇيىمدارى بۇگىندە «نۇر وتان» پارتياسىنىڭ نەگىزگى تىرەگىنە, شىنايى كۇشىنە اينالدى دەسەك ارتىق ايتقاندىق ەمەس. سوندىقتان بولسا كەرەك, ءوت­كەن جىلدى پارتيا باستاۋىش پارتيا ۇيىمىنىڭ جىلى دەپ جاريا­لاپ, وسىنىڭ اياسىندا كوپتەگەن جۇمىستار اتقارىلدى. سولاردىڭ ءبىرى – «ۇزدىك باستاۋىش پارتيا ۇيىمى» بايقاۋى. شارانىڭ باستى ماقساتى – ەلىمىز بويىنشا ۇزدىك باستاۋىش پارتيا ۇيىمىن انىقتاۋ جانە ولاردىڭ جۇمىس تاجىريبەسىن ەلدىڭ بارلىق ايماقتارىندا تاراتۋ, پارتيالىق جانە سايلانبالى قىزمەتتەرگە ۇسىنۋ, بىلىكتى جانە بەلسەندى باستاۋىش پارتيا ۇيىمى توراعالارىنان پارتيالىق كادرلاردىڭ رەزەرۆىن قالىپتاستىرۋ جانە قوعامدىق قابىلداۋلار جۇمى­سىن جەتىلدىرۋ مەن پارتيا قىزمەتىنە قوعامداستىقتىڭ نازارىن اۋدارۋ. «نۇر وتان» پارتياسى جامبىل وب­لىستىق فيليالىندا 399 باستاۋىش پارتيا ۇيىمى بار. سولاردىڭ ارا­سىنان 30 باستاۋىش پارتيا ۇيىمى ىرىكتەلىپ, وبلىستىق بايقاۋدا باق سىنادى. سودان وزا شىققان 3 جە­ڭىمپاز ۇيىم رەسپۋبليكالىق سايىسقا جولداما العان بولاتىن. رەسپۋبليكالىق بايقاۋعا 5000-نان استام بپۇ قاتىسىپ, ونىڭ ىشىندە 16 بپۇ ىرىكتەپ الىندى. ولاردىڭ قاتارىنان جامبىل وبلىسى, تالاس اۋدانىنىڭ «اققۇم» باستاۋىش پارتيا ۇيىمى دا كورىندى. بايقاۋ قورىتىندىسى بويىنشا اتالعان باستاۋىش پارتيا ۇيىمى «ۇزدىك باستاۋىش پارتيا ۇيىمى» اتالىمى بويىنشا ءبىرىنشى ورىندى يەلەندى. ۇيىمنىڭ جەتەكشىسى – «تولەباي» شارۋا قوجالىعىنىڭ توراعاسى ارقابەك تولەباەۆ. رەسپۋبليكالىق دودادا مەرەيى ۇستەم بولعان باستاۋىش پارتيا ۇيىمى «نۇر وتان» پارتياسى توراعاسىنىڭ ءبىرىنشى ورىنبا­سارى اسقار مىرزاحمەتوۆتىڭ قولى­نان «ەڭ ۇزدىك باستاۋىش پارتيا ۇيىمى» ديپلومى مەن 700000 تەڭگە قارجىلاي سىيلىق الدى. بۇل ماراپاتتىڭ پارتيا وبلىستىق فيليالىنىڭ بەدەلىن ارتتىرۋمەن قاتار, «اققۇم» باستاۋىش پارتيا ۇيىمىنىڭ دا بەلسەندى جۇمىسىن وزگەلەرگە ۇلگى ەتەرى داۋسىز. ورالحان ءداۋىت, «ەگەمەن قازاقستان». جامبىل وبلىسى.