قىراعىلىقتارى ءۇشىن – ارنايى ماراپات

«لوكوموتيۆ» – «استانا لوكوموتيۆ پايدالانۋ دەپوسى» اق-تىڭ لوكوموتيۆ بريگاداسى فيليالىنىڭ ماشينيستەرى مارات ساتتىباەۆ پەن داۋرەن راقىمجانوۆ تەمىرجولداعى اپاتتىڭ الدىن الدى, دەپ حابارلادى «قتج» ۇك» اق-تىڭ ءباسپاسوز قىزمەتى. «لوكوموتيۆ بريگاداسى لوكوموتيۆتەن كەيىنگى ءبىرىنشى ۆاگوننىڭ اقاۋى بار ەكەنىن بايقاپ قالدى. ماشينيست دۇرىس شەشىم قابىلداپ, دۇرىس ءىس-قيمىل تانىتتى», – دەپ اتاپ ءوتتى وقيعاعا وراي استانا لوكوموتيۆ پايدالانۋ دەپوسىنىڭ ديرەكتورى ماقسۇت يبراەۆ. «وسى كۇنى قاتتى جەل سوعىپ, قارلى بوران ۇيىتقىپ تۇردى. بىراق ءبىز ءبىرىنشى ۆاگوننىڭ شايقالاقتاپ كەلە جاتقانىن كورىپ, جىلدامدىقتى باياۋلاتتىق, ال يرچەنكو ستانساسىنا كەلگەن كەزدە ۆاگوندى اعىتىپ تاستادىق», – دەيدى ماشينيست مارات ساتتىباەۆ. «ءبىز ۆاگوننىڭ جولدان شىعىپ كەتۋىنە جول بەرمەۋگە تىرىستىق, ويتكەنى, ونىڭ ارتىنان قۇرامداعى باسقا 73 ۆاگون دا شىعىپ كەتۋى مۇمكىن ەدى. ءسويتىپ, بايلانىس جەلىسى مەن تەمىرجول رەلسى زارداپ شەگەتىنى تۇسىنىكتى بولاتىن. وسىنىڭ سالدارىنان اتالعان ۋچاسكەدە جۇك جانە جولاۋشىلار قوزعالىسى توقتاپ قالاتىن ەدى», – دەيدى ماشينيست. وقىس جاعدايدا كورسەتكەن قىراعىلى ءۇشىن ماشينيس­تەر م.ساتتىباەۆ پەن ونىڭ كومەكشىسى د.راقىمجانوۆ استانا لوكوموتيۆ دەپوسى باسشىلىعىنىڭ اتىنان العىس حات پەن اقشالاي سىيلىق الدى.