جەتپىس جىلدان كەيىنگى جۇزدەسۋ

سوعىس كەزىندەگى عاشىقتار وسىنشا جىلدان سوڭ كەزدەسۋگە اسىعادى امەريكانىڭ ۆيرد­جينيا شتاتىندا تۇراتىن ەكىنشى دۇنيە­جۇزىلىك سو­عىستىڭ ارداگەرى نورۆۋد توماس «ۆالەنتينا كۇنىن» بۇدان 72 جىلعا جۋىق ۋا­قىت بۇرىن اجى­راسىپ قال­عان عاشىعى دجويس مور­ريسپەن اۆستراليا جە­رىن­دە قار­سى العالى وتىر. بۇ­رىنعى مايدان­گەردىڭ بۇل كەزدەسۋىنە كە­رەكتى قار­جىنى 2015 جىلعى قارا­شادان باس­تاپ كراۋدفاندينگ سەرۆيس ورتالىعى جيناپ, قولىنا 7 مىڭ دوللار تاپسىرادى. ەندى وسى اقشاعا توماس اقپان ايىندا اۆس­ترالياعا ساپار شەكپەكشى. ال Air New Zealand اۆياكومپانياسى ونى «جاسىل كونتينەنتكە» تەگىن الىپ-بارىپ قايتپاقشى. وسى كەزدەسۋگە نەگىز بولعان وقيعا بىلتىرعى 12 قاراشا كۇنى ءوتىپتى. بۇعان سوعىستان كەيىن اۆسترالياعا كەلىپ, تۇراقتاپ قالعان ءمورريستىڭ بۇدان بىرنەشە جىل بۇرىن پاراشيۋتپەن سەكىرگەن قاريانىڭ قازىر ينتەرنەتتى دە ەركىن مەڭگەرىپ العانى تۋرالى جاڭا­لىقتى كورۋى سەبەپ بولىپتى. ەكرانعا قاراپ وتىرعان كەيۋانا ونداعى كەيىپكەردىڭ ءوزىنىڭ باياعى جىگىتى ەكەنىنە ەش كۇمان كەلتىرمەيدى. سوسىن ونى ەسكى سۋرەتتەرمەن سالىستىرىپ شىققان ول ۇلىنا وسى ادامدى تاۋىپ بەرۋدى تاپسىرادى. ءسويتىپ, بىرنەشە كۇننەن كەيىن 93-تەگى توماس پەن 88-دەگى مورريس سوعىستان كەيىن ءبىرىنشى رەت Skype ارقىلى سويلەسىپ, ءبىر-بىرلەرىنىڭ تۇرلەرىن كورگەن. 21-دەگى نورۆۋد توماس پەن 17-دەگى دجويس مورريس 1944 جىلدىڭ كوكتەمىندە لوندوندا تانىسادى. ولار مۇندا بىرنەشە ايدى بىرگە وتكىزەدى. الايدا, كەيىن اسكەري باسشىلىق نورۆۋدتى فرانتسياعا جىبەرەدى. ول سوعىس بىتكەسىن, سول جاقتان قۇراما شتاتتارعا ورالادى. جاستار سودان كەيىن دە ءبىراز ۋاقىت حات-حابار الىسىپ تۇرادى. سوڭىندا نورۆۋد دجويسقا امەريكاعا كەلىپ, وزىنە تۇرمىسقا شىعۋدى ۇسىنادى. بىراق قىز مەدبيكە وقۋىن وقي باستا­عانىن ايتىپ, بۇدان باس تارتادى. «سول كەزدە مەن ءوزىمنىڭ ونى ودان گورى قاتتىراق سۇيەتىنىمدى ءتۇسىن­دىم», – دەيدى قازىر ارداگەر. وسى­دان كەيىن بۇل جۇپ ءبىر-بىرلە­رىمەن حابارلاسۋدى دوعارادى. ال 1996 جىلى انگليادا دجويس ەسىمدى مەدبيكەنىڭ ۇشاق اپا­تىندا قازا تاپقانىن ەستىگەندە, نور­ۆۋد ونىڭ ءوزىنىڭ جىگىت كۇنىندەگى سۇيىك­تىسى ەكەنىنە ەش كۇمان كەلتىرە الماي­دى. دامير قوجامقۇل.