الەمدەگى 70 ەل

رەسمي تۇردە ەكسپو-2017 كورمەسىنە قاتىساتىندىعىن راستادى سىرتقى ىستەر ءمينيسترىنىڭ ءبىرىنشى ورىنباسارى, ەكسپو-2017 كورمەسىنىڭ كوميسسارى ءراپىل جوشىباەۆ لاتۆيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى يۋريس پوگرەبنياكسپەن كەزدەستى. تاراپتار «جاسىل ەنەرگەتيكا» سالاسىندا ودان ءارى ىنتىماق­تاسۋدىڭ كەلەشەگى جونىندە پىكىر الماسىپ, لاتۆيانىڭ اس­تانا كورمەسىنە قاتىسۋىنىڭ ماسە­لەلەرىن تالقىلادى. ر.جوشىباەۆ قازاقستاننىڭ كورمەگە دايىندىق شەڭبەرىندەگى اتقارىلىپ جاتقان جۇمىسى تۋرالى حابارلاپ, لاتۆيالىق تاراپتىڭ ەكسپو-2017 كورمەسىنە قا­تىسۋى قازاقستان مەن لاتۆيا اراسىنداعى ىنتىماقتاستىققا جاڭا سەرپىن بەرەتىنىن اتاپ ءوتتى. ءوزى تاراپىنان يۋ.پوگرەبنياكس لاتۆيا ۇكىمەتىنىڭ ەكسپو-2017 كورمەسىنە رەسمي تۇردە قاتى­ساتىندىعىن راستايتىن نوتانى تابىستادى. ونىڭ ايتۋىنشا, لاتۆيا حالىق­ارالىق كورمە بيۋروسىنا مۇشە ەمەس ەلدەردىڭ قاتارىندا جانە بىرنەشە رەت ەكسپو كورمەسىنىڭ قاتىسۋشىسى بولعان. ەكسپو-2017 كورمەسىنە قاتىسۋىن راستاۋى لاتۆيانىڭ قازاقستانعا دەگەن جوعارى قىزىعۋشىلىعىن جانە ەرەكشە دوستىق قاتىناستارىن كورسەتەدى. لاتۆيا 2020 جىلعا دەيىن ەڭ «جاسىل» مەملەكەت بولۋعا ۇمتىلىس جاساپ وتىرعان ەلدەردىڭ ءبىرى جانە كەزدەسۋ بارىسىندا قازاقستانمەن «جاسىل ەنەرگەتيكا» سالاسىندا ىنتىماقتاسۋعا دايىن ەكەنىن ءبىلدىردى. لاتۆيا قازاقستان پرەزي­دەنتى نۇرسۇلتان نازارباەۆتىڭ «جاسىل كوپىر» باعدارلاماسىن دايارلاۋ باستاماسىن قولداعان العاشقى مەملەكەتتەردىڭ ءبىرى جانە وسى باعدارلاما بويىنشا حارتياعا قول قويدى. سونىمەن, بۇگىنگى كۇنى لاتۆيا 70-ءشى مەملەكەت بولىپ رەسمي تۇردە ەكسپو-2017 كور­مەسىنە قاتىساتىندىعىن راستادى.  «ەگەمەن-اقپارات».