«وسكار» الداعى جىلدارى ۇمىتكەرلەر سانىن ارتتىرادى

استانا. 22 قاڭتار. اقش-تىڭ كينەماتوگرافيالىق ونەر جانە عىلىم اكادەمياسى الداعى بەس جىل كولەمىندە «وسكار» سىيلىعىنىڭ «ۇزدىك فيلم» ساناتى بويىنشا ۇمىتكەرلەر سانىن سەگىزدەن ونعا ارتتىرۋدى جوسپارلادى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ەكىنشى جىل قاتارىنان ۇمىتكەرلەر اراسىندا بىردە-ءبىر افروامەريكاندىقتىڭ بولماۋىنا بايلانىستى تانىمال اكتەرلەر نارازىلىقتارىن بىلدىرگەن بولاتىن. وسى سەبەپتى اكادەميا مۇشەلەرى جاڭا رەفورمالار قابىلداۋدى قولعا الدى. سونداي-اق, وزگە دە ساناتتار بويىنشا ۇمىتكەرلەر سانىن ارتتىرۋ جوسپارلاندى. ال سالتاناتتى كەشتە سىيلىق يەسى انىقتالعان سوڭ, ۇپاي سانىن قايتا ەسەپتەۋ تۋرالى ەرەجە قابىلدانباق. The Los Angeles Times باسىلىمىنىڭ حابارلاۋىنشا, قازىرگى كەزدە اكادەميا ىشىندە 6 مىڭنان استام قىزمەتكەر بار, ونىڭ 94 پايىزى – اق ءناسىلدى. ايتا كەتەيىك, «وسكار» سىيلىعىنىڭ ۇمىتكەرلەرى بەلگىلى بولعان سوڭ, قارا ءناسىلدى تانىمال اكتەرلەر ءوز نارازىلىقتارىن بىلدىرگەن. العاش بولىپ, ۋيلل ءسميتتىڭ جۇبايى دجادا پينكەتت-سميت «وسكار» سىيلىعىنا بويكوت جاريالاعان بولسا, ارتىنشا ۋيلل ءسميتتىڭ ءوزى دە قوسىلدى. ايان ءابدۋالي. دەرەك: تاسس. سۋرەت: naviny.by.