شىعىس قازاقستاندا ۇلان اۋدانىنىڭ اكىمى تاعايىندالدى

وسكەمەن. 22 قاڭتار. شىعىس قازاقستان وبلىسىنىڭ اكىمى دانيال احمەتوۆتىڭ وكىمىمەن ۇلان اۋدانىنىڭ اكىمى بولىپ داۋلەت باتىرباەۆ تاعايىندالدى. بۇل تۋرالى شىعىس قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ول 2012 جىلدان باستاپ اتالعان اۋدان اكىمىنىڭ ورىنباسارى, اۋدان اكىمىنىڭ مىندەتىن اتقارۋشى قىزمەتىن اتقارعان بولاتىن. داۋلەت باتىرباەۆ 1976 جىلى سەمەي قالاسىندا تۋعان. 1998 جىلى سەمەي مەملەكەتتىك ۋنيۆەرسيتەتىن «اگروونەركاسىپ كەشەنى سالاسىنداعى ەكونوميكا جانە مەنەدجمەنت» ماماندىعى بويىنشا ءبىتىردى. 2001 جىلى ءنوۆوسىبىر گۋمانيتارلىق ينستيتۋتىن زاڭگەر ماماندىعى بويىنشا ءتامامدادى. جوعارى وقۋ ورنىن اياقتاعان سوڭ ءنوۆوسىبىر گۋمانيتارلىق ينستيتۋتى وكىلدىگىنىڭ ادىسكەرى بولىپ جۇمىس ىستەدى. 1999 جىلدان باستاپ, بيزنەس قۇرىلىمداردا, ونىڭ ىشىندە جەتەكشى قىزمەتتەردە بولدى. ال مەملەكەتتىك قىزمەتتەگى جۇمىسىن 2009 جىلى وسكەمەن قالاسىنىڭ كاسىپكەرلىك, اۋىل شارۋاشىلىعى جانە ۆەتەريناريا ءبولىمىنىڭ باس مامانى بولۋدان باستادى. ودان سوڭ وسكەمەن قالاسىنىڭ مەنوۆنوە اۋىلدىق وكرۋگىنىڭ اكىمى بولدى. 2011-2012 جىلدارى شىعىس قازاستان وبلىسى جولاۋشىلار كولىگى جانە اۆتوكولىك جولدارى باسقارماسىندا ءبولىم باستىعى بولىپ جۇمىس ىستەدى. 2012 جىلدىڭ ماۋسىم ايىندا ۇلان اۋدانى اكىمىنىڭ ورىنباسارى بولىپ تاعايىندالدى. 2014 جىلدىڭ جەلتوقسان ايىنان باستاپ, اۋدان اكىمىنىڭ مىندەتىن اتقارۋشى قىزمەتىندە بولدى. دۋمان اناش. دەرەك, سۋرەت: شقو اكىمىنىڭ ءباسپاسوز قىزمەتى.