الماتى اپورت ءوسىرۋدى جاندانىرادى

الماتى. 22 قاڭتار. مەگاپوليستىڭ 1000 جىلدىق مەرەي تويىنا  وراي الماتىدا اڭىز بولعان «الما قالاسى» اتاعىن قايتارىپ الۋ ءۇشىن ۇلكەن جۇمىستار جۇرگىزىلمەك. قازىرگى كۇندەرى الما باقتارىنىڭ  ناقتى ورنى انىقتالعان. بۇل تۋرالى egemen.kz ءتىلشىسى حابارلادى. 2016 جىلدىڭ ساۋىرىنەن باستاپ الەۋەتى مىقتى ينۆەستور  «Apple world» جشس ماقساتتى  جۇمىستاردى ىسكە اسىرۋدى باستايدى.  سونداي-اق 3 ءپروفيلدى اگرارلىق كومپانيا الما باقتارىن وركەندەتۋگە نيەت ءبىلدىرىپ وتىر جانە بۇلارعا قاجەتتى جەر تەلىمدەرى قاراستىرىلۋدا. تولايىم العاندا الماتى قالاسىنىڭ تۇرعىندارى جىلىنا 17 مىڭ توننا المانى قاجەت ەتەدى. قالا اكىمىنىڭ جوسپارلاۋىنشا, 2020 جىلعا دەيىن الماتى وبلىسىنىڭ اۋماعىنداعى الما ءوندىرىسى 3,5 مىڭ تونناعا جەتۋى ءتيىس. مۇنداي كورسەتكىش الما تۇتىنۋشىلىعىنىڭ  بەستەن ءبىر بولىگىن قامتاماسىز ەتىپ وتىرادى. قۇرالاي شىڭعىسقىزى. دەرەك, سۋرەت: egemen.kz.