باتىس قازاقستاندا پارا العانى ءۇشىن دەپارتامەنت باسشىسى ۇستالدى

ورال. 22 قاڭتار. جەرگىلىكتى سىبايلاس جەمقورلىققا قارسى ءىس-قيمىل دەپارتامەنتىنىڭ قىزمەتكەرلەرى تابيعي مونوپوليالاردى باقىلاۋ جانە باسەكەلەستىكتى قورعاۋ كوميتەتى باتىس قازاقستان وبلىستىق دەپارتامەنتىنىڭ باسشىسى ءۋاليحان رازوۆ جەمقورلىققا قاتىسى بار كۇدىكپەن قاماۋعا الىندى. بۇل تۋرالى egemen.kz ءتىلشىسى حابارلادى. ۇلتتىق بيۋرونىڭ حابارلاۋىنشا, «اقسايگازپرومەنەرگو» اق باس ديرەكتورى الحات ءابزالىلوۆ ءوزىنىڭ كاسىپكەرلىك قىزمەتىنە كىرىسپەۋشىلىك ماقساتىندا ءۋاليحان رازوۆقا 250 مىڭ تەڭگە م ۇلىكتىك قۇندىلىعى بار پارا بەرۋ فاكتىسى بويىنشا اشىق تۇردە تەرگەۋ ءىسى باستالعانىن راستاپ وتىر. سوعان بايلانىستى ءۋاليحان رازوۆ قىلمىستىق ءىس جۇرگىزۋ كودەكسىنىڭ 128-بابى بويىنشا ورال قالالىق ىشكى ىستەر ءبولىمىنىڭ ۋاقىتشا قاماۋ يزولياتورىنا قامالدى. اتالعان دەپارتامەنتكە ءۋاليحان رازوۆ 2014 جىلدىڭ جەلتوقسان ايىندا باسشى رەتىندە تاعايىندالعان بولاتىن. العاش ەڭبەك جولىن بىرقاتار كاسىپتىك مەكەمەلەردە مەنەدجەر, كەيىن كاسىپتىك ديرەكتور لاۋازىمدارىن اتقارعان. 1998-2000 جىلدار ارالىعىندا وبلىستىق سالىق باسقارماسىندا, 2005-2010 جىلدارى جانە 2012-2013 جىلدار ارالىقتارىندا ءبولىم باسشىسى, وبلىستىق كاسىپكەرلىك پەن ونەركاسىپ باسقارماسى باسشىسىنىڭ ورىنباسارى بولىپ ىستەگەن. 2010-2011 جىلدارى «تەحنوپارك «الگوريتم» جشس باسقارعان. 2012 جىلدارى وبلىس اكىمى اپپاراتىندا ەكونوميكا جانە بيۋدجەتتىك جوسپارلاۋ جونىندە باس ينسپەكتور, كەيىن ەكونوميكالىق اناليز ءبولىمىنىڭ مەڭگەرۋشىسى قىزمەتتەرىن اتقارعان. 2012 جىلدىڭ ماۋسىم ايىنان باستاپ ءۋاليحان رازوۆ وبلىستىق مونوپولياعا قارسى ينسپەكتسياسىنىڭ باسشىسى قىزمەتىنە كىرىسكەن. تەمىر قۇسايىن. دەرەك, سۋرەت: egemen.kz.