استانا. 20 قاڭتار. بەلگىلى بوكسشى, بىرنەشە جىل قاتارىنان اسا اۋىر سالماقتا ۇلتتىق قۇرامانىڭ بەلدى مۇشەسى بولعان رۋسلان مىرساتاەۆ 30 قاڭتار كۇنى كاسىپقوي بوكستاعى العاشقى جەكپە-جەگىن وتكىزەدى. بوكس كەشى الماتىداعى Royal Tulip قوناق ۇيىندە وتەدى. وتانداسىمىزدىڭ قارسىلاسى – رەسەي بوكسشىسى ۆالەري زاميرالوۆ. بۇل تۋرالى inboxing.kz سايتىنا سىلتەمە جاساعان egemen.kz ءتىلشىسى حابارلادى.
سونىمەن قاتار, بۇل كۇنى ايدوس ەربوسىن ۇلى, بەرىكباي نۇرىمبەتوۆ, نۇرسۇلتان قابدۋلوۆ جانە تاعى باسقا قازاقستاندىق بوكسشىلار كەزەكتى رەيتينگتىك كەزدەسۋلەرىن وتكىزەدى. سولاردىڭ ىشىندە مىرساتاەۆ پەن زاميرالوۆتىڭ جەكپە-جەگى كەشتىڭ باستى ايقاسى رەتىندە اتالىپ وتىر.
بوكس سايىسى BM Global جانە Diamond Ring جشس-لەرىنىڭ, سونداي-اق, قازاقستان كاسىپقوي بوكس فەدەراتسياسىنىڭ ۇيىمداستىرۋىمەن وتكىزىلەدى.
ايتا كەتەيىك, رۋسلان مىرساتاەۆ ۇلتتىق قۇراما ساپىندا 2008 جىلى قىتاي استاناسى – بەيجىڭ قالاسىندا وتكەن وليمپيالىق ويىندارعا قاتىستى. ودان بولەك, ول «استانا ارلاندارى» كومانداسىمەن بىرگە بۇكىلالەمدىك بوكس سەرياسى سايىسىنىڭ چەمپيونى اتاندى.
ەلامان قوڭىر.
دەرەك: inboxing.kz.
سۋرەت: inboxing.kz, yvision.kz.
