سيريالىق بوسقىن شۆەتسيادا قاتارلاسىن پىشاقتاپ ءولتىردى

استانا. 18 قاڭتار. شۆەتسيانىڭ سكونە پروۆينتسياسىندا سيريادان قونىس اۋدارىپ كەلگەن 14 جاستاعى احمەد مۋستافا ال حادج الي 2016 جىلدىڭ العاشقى وقۋ كۇنى-اق 15 جاستاعى ارميناس پيلتسكاستى پىشاقتاپ ءولتىردى. بۇل تۋرالى ren.tv سايتىنا سىلتەمە جاساعان egemen.kz ءتىلشىسى حابارلادى. جەرگىلىكتى باق وكىلدەرى بوسقىندار وتباسىنان شىققان بوزبالانىڭ العاش بولىپ ۇرىنعانىن مالىمدەدى. قاتارلاس قىزدارىنا ورىنسىز تيىسكەنى سەبەپتى ليتۆانىڭ تۋماسى ارميناس سيريالىق بالاعا ەسكەرتۋ جاساعان. الايدا بۇل قىلىعىن كوتەرە الماعان ول كەگىن الماقشى بولادى. وسىلايشا, ويىنا العان ءىسىن قاتارلاسىنىڭ ءدال جۇرەگىنە پىشاق سۇعىپ, ولتىرۋمەن اياقتايدى. ال احمەتتىڭ اكەسى كىنانىڭ ءبارى تەك بالاسىنا عانا ارتىلعانىنا كەلىسەر ەمەس. ونىڭ ايتۋىنشا, ارميناس وسى كۇنگە دەيىن بوسقىندىعىن بەتىنە باسىپ, كەلەمەجدەپ كەلگەن. وسىعان شىداماعان احمەت قىلمىستىق ارەكەتكە بارىپتى. الايدا, قايتىس بولعان ارميناستىڭ اتا-اناسى بۇل پىكىرمەن كەلىسەر ەمەس. وسىعان دەيىن دە بىرنەشە مارتە ميگرانت بالالارعا شاعىم تۇسكەنىن العا تارتتى. ماسەلەن, جۋىردا عانا جينالعان توپ مەكتەپ جاسىنداعى قىز بالانى زورلاپ كەتپەك بولعان. ابىروي بولعاندا, دەر كەزىندە كومەكشىلەر جەتىپ, امان الىپ قالدى. ايتا كەتەيىك, 2015 جىلى شۆەتسيا 160 مىڭ بوسقىندى قابىلدادى. ەل حالقىنىڭ سانى 10 ميلليون بولعاندىقتان, جان باسىنا شاققاندا بۇل ەۋروپاداعى ەڭ جوعارعى كورسەتكىش بولىپ ەسەپتەلەدى. سوعان قاراماستان بيلىك بوسقىندار داعدارىسىن شەشۋ ءۇشىن جالپىحالىقتىق مىندەتتى اسكەري قىزمەتىن وتەۋ ماسەلەسىن قايتا قالپىنا كەلتىرۋگە نيەتتى. ايان ءابدۋالي. دەرەك, سۋرەت: ren.tv.