قىتايدا ءۇشىنشى ورتالىق اشىلدى

قازاقستاننىڭ قىتايداعى ەلشىسى شاحرات نۇرىشەۆ داليان شەت تىلدەرى ۋنيۆەرسيتەتى ج­انىنداعى قازاقستاندى زەرتتەۋ ورتالىعىنىڭ سالتاناتتى اشىلۋ راسىمىنە قاتىستى. بۇل شارا ەلشىنىڭ داليان قالاسىنا جۇمىس ساپارى بارىسىندا جۇزە­گە استى. ورتالىق داليان شەت تىلدەرى ۋنيۆەرسيتەتىندە (دشتۋ) قازاقستاننىڭ ەلشىلىگى مەن م.اۋەزوۆ اتىنداعى وڭتۇستىك قازاقستان مەملەكەتتىك ۋني­ۆەرسيتەتىنىڭ (وقمۋ) جاردەم­دەسۋىمەن قۇرىلعان بولاتىن. ورتالىق قازاق ءتىلى مەن قازاق مادەنيەتىن جانە ونەرىن زەردەلەۋدە, سونىمەن قاتار, ستۋدەنتتەر مەن وقىتۋشىلاردى قازاقستاننىڭ قالىپتاسۋ تاريحى جانە قازىرگى تىنىس-تىرشىلىگى تۋرالى اقپاراتتاندىرۋدا ءجار­دەم كورسەتەدى. ال ورتالىق­تىڭ اشىلۋىندا ەلشى جەرگى­لىك­تى اكادەميالىق توپتار مەن قازاقستاندىق جانە شەت­ەل­دىك ستۋدەنتتەردىڭ الدىن­دا ءسوز سويلەپ, اۋديتوريانى «قا­زاقستان-2050» ستراتە­گياسى, «نۇر­لى جول» جاڭا ەكونو­مي­كالىق ساياساتى, ەلباسىنىڭ «قا­زاقستان جاڭا جاھاندىق ناقتى احۋالدا: ءوسىم, رەفورمالار, دامۋ» جولداۋىمەن بەس ينستيتۋتتىق رەفورمانى جۇزەگە اسىرۋ جونىندەگى ۇلت جوسپارى جانە قازاقستان پرەزيدەنتى ن.ءا.نازارباەۆ العا قويعان ەلدىڭ باسقا دا الەۋمەتتىك-ەكونوميكالىق, سونداي-اق, ساياسي دامۋىنا قاتىستى مىندەتتەرمەن تانىستىردى. ءىس-شاراعا وقمۋ-ءدىڭ رەكتورى جۇماحان مىر­حالىقوۆ پەن دشتۋ باسشىلىعى قاتىستى. داليان قالاسىنا ساپارى شەڭبەرىندە ش.نۇرىشەۆ دشتۋ رەكتورى ليۋ حۋنمەن كەزدەستى. تاراپتار دشتۋ مەن قازاقستان اراسىنداعى ءبىلىم بەرۋ سالاسىنداعى ىنتىماقتاستىقتى دامىتۋ ماسەلەلەرىن, ەكىجاقتى نەگىزدە جانە شىۇ ۋنيۆەرسيتەتى شەڭبەرىندە الداعى ارەكەتتەسۋ جايىن تالقىلاپ, داليان ۋني­ۆەرسيتەتىندە قازاق ءتىلىنىڭ كافەدراسىن اشۋ مۇمكىندىگى جونىندە پىكىر الماستى. داليان شەت تىلدەرى ۋنيۆەر­سيتەتى جانىنداعى «قازاقستاندى زەرتتەۋ ورتالىعى» شانحاي شەت تىلدەرى ۋنيۆەرسيتەتى (2015 جىلعى 16 قاراشادا اشىلدى) مەن بەيجىڭ شەت تىلدەرى ۋنيۆەر­سيتەتى جانىنداعى (2015 جىلعى 13 جەلتوقساندا اشىلدى) ورتا­لىقتاردان كەيىنگى ءۇشىنشى ورتالىق بولىپ تابىلادى. مۇنداي وڭ ۇدەرىس قىتاي­دىڭ عىلىمي قاۋىمى مەن قوعامى­نىڭ قازاقستانعا دەگەن قىزىعۋشىلىعى ارتىپ كەلە جاتقانىن كورسەتەدى. «ەگەمەن-اقپارات».