اقش قىتايدىڭ كحدر-عا مۇناي بەرۋىن دوعارۋدى تالاپ ەتتى

استانا. 18 قاڭتار. اقش قىتايدىڭ سولتۇستىك كورەياعا مۇناي وتكىزىپ, انتراتسيت ءونىمىن يمپورتتاپ العانىن توقتاتۋدى تالاپ ەتتى. بۇل تۋرالى ria.ru سايتىنا سىلتەمە جاساعان egemen.kz ءتىلشىسى حابارلادى. سولتۇستىك كورەيانىڭ ءتورتىنشى يادرولىق سىناعىن وتكىزۋىنە بايلانىستى سانكتسيا رەتىندە قىتايدىڭ وسىنداي قادامعا بارعانىن قالايدى. «اساحي» باسىلىمىنىڭ مالىمدەۋىنشە, اقش بۇل پىكىرىن 13 قاڭتار كۇنى ۇشجاقتى كەزدەسۋدە ايتقان. سەۋلدە وتكەن جيىندا اقش, وڭتۇستىك كورەيا, جاپونيا ديپلوماتتارى اراسىندا سولتۇستىك كورەيانىڭ ورىنسىز قىلىعىنا قاتاڭ تۇردە قارسى تۇرۋدىڭ جولدارىن تالقىلادى. اقش-تىڭ بۇل تالابىنا قىتاي جاعى ناقتى جاۋابىن بەرگەن جوق. «اساحي» باسىلىمى بۇل رەتتە اسپاناستى ەلىنەن كحدر-عا جىلىنا 400-500 مىڭ توننا مۇناي ونىمدەرى جىبەرىلەتىنىن ايتتى. ال قىتاي ءوز كەزەگىندە سولتۇستىك كورەيادان 115,5 ميلليون دوللار قارجىعا 15,5 ميلليون توننا انتراتسيت قابىلداپ الادى. بۇل كورسەتكىش ولاردىڭ ەكسپورتقا شىعاراتىن تاۋارىنىڭ 40 پايىزىن قۇرايدى. ايتا كەتەيىك, قازىرگى كەزدە سولتۇستىك كورەياعا سانكتسيا جاساۋدى بىرىككەن ۇلتتار ۇيىمىنىڭ قاۋىپسىزدىك كەڭەسى تالقىلاۋدا. ايان ءابدۋالي. دەرەك: ria.ru. سۋرەت: ipress.ua.