ەلباسى كونستيتۋتسيالىق كەڭەس توراعاسىمەن كونسۋلتاتسيا وتكىزدى

استانا. 18 قاڭتار. ەلباسى كونستيتۋتسيالىق كەڭەس توراعاسى يگور روگوۆپەن كونسۋلتاتسيا وتكىزدى. بۇل تۋرالى akorda.kz حابارلادى. كەزدەسۋ بارىسىندا كەزەكتەن تىس پارلامەنت سايلاۋىن وتكىزۋ ماسەلەسى تالقىلاندى. مەملەكەت باسشىسى ءماجىلىس دەپۋتاتتارىنىڭ ۇندەۋىن العانىن, وندا اتالعان باستاماعا رەفورمالاردى جانە مەملەكەت بەلگىلەگەن داعدارىسقا قارسى شارالاردى ءتيىمدى جۇزەگە اسىرۋ قاجەتتىگى نەگىز بولعانىن اتاپ ءوتتى. سونىمەن قاتار, قازاقستان پرەزيدەنتى پارلامەنتتىڭ قوس پالاتاسىنىڭ توراعالارىمەن جانە پرەمەر-مينيسترمەن كونسۋلتاتسيا وتكىزگەنىن ايتتى. يگور روگوۆ كونستيتۋتسيانىڭ 63-بابىنىڭ 1-تارماعىنا سايكەس, پارلامەنتتى نەمەسە پارلامەنت ءماجىلىسىن قازاقستان پرەزيدەنتى پارلامەنت پالاتالارىنىڭ توراعالارىمەن جانە پرەمەر-مينيسترمەن كونسۋلتاتسيادان كەيىن تاراتا الاتىنىن ايتتى. سونىمەن بىرگە, كونستيتۋتسيالىق كەڭەس توراعاسى كەزەكتەن تىس سايلاۋ پارلامەنت نەمەسە پارلامەنت ءماجىلىسى وكىلەتتىگىن مەرزىمىنەن بۇرىن دوعارعان كۇننەن كەيىن ەكى اي ىشىندە وتكىزىلەتىنىنە نازار اۋداردى. يگور روگوۆ ماجىلىسكە كەزەكتەن تىس سايلاۋدى الداعى بارلىق دەڭگەيدەگى ءماسليحات سايلاۋىمەن ءبىر مەزگىلدە وتكىزۋ كونستيتۋتسيا نورمالارىنا تولىق ساي كەلەتىنىن اتاپ ءوتتى. ەلامان قوڭىر. دەرەك, سۋرەت: akorda.kz.