امان تولەەۆ: «رەسەيگە قازاقستاننان كوپ نارسەنى ۇيرەنۋ كەرەك»

استانا. 18 قاڭتار. كەمەروۆو وبلىسىنىڭ گۋبەرناتورى امان تولەەۆ 2015 جىلدىڭ قورىتىندىسى بويىنشا رەسەي وڭىرلەرى باسشىلارىنىڭ اراسىندا ۇزدىك جەتەكشى بولىپ تانىلدى. بۇل تۋرالى egemen.kz ءتىلشىسى حابارلادى. قانداسىمىزدىڭ رەسەيدەگى بەدەلىن ونىڭ گۋبەرناتور سايلاۋىندا حالىقتىڭ 96,7 پايىز داۋىسىن جيناعانىنان دا كورۋگە بولادى. امان تولەەۆ كەمەروۆو وبلىسىن 1997 جىلدان جىلدان بەرى باسقارىپ كەلەدى. ول رەسەيدە پراگماتيك باسشى رەتىندە تانىمال. وتكەن جىلى رەسەي پرەزيدەنتى ۆلاديمير ءپۋتيننىڭ فەدەرالدى جينالىسىنا جولداۋى باستالار الدىندا كەمەروۆو وبلىسىنىڭ گۋبەرناتورى ەلدەگى ساياسي-ەكونوميكالىق جاعدايعا باعا بەرە كەلىپ, رەسەيگە قازاقستاننان رەفورمالاردى جۇرگىزۋدە, ەكونوميكالىق باعدارلامالاردى ىسكە اسىرۋدا كوپ نارسەنى ۇيرەنۋ كەرەكتىگىن ايتقان ەدى. «رەسەيگە كورشى ەلدەن كوپ نارسەنى ۇيرەنۋ كەرەك. قازىر كەيبىر سالادا قازاقستانان رەسەيدەن كوش ىلگەرى كەلەدى. ءبىز مۇنى اشىق مويىنداۋىمىز كەرەك. قازاقستاندا ساياسي-ەكونوميكالىق باعدارلامالار حالىققا پايداسىن اكەلەدى. رەسەي قازاقستاننىڭ تاجىريبەلەرىنە سۇيەنۋ كەرەك», دەدى ول «روسسيا 24» تەلەارناسىنىڭ تىلشىسىنە. داستان كەنجالين. دەرەك, سۋرەت: egemen.kz