ماڭعىستاۋدا جول بويىنان ءسابيدىڭ ءولى دەنەسى تابىلدى

اقتاۋ. 18 قاڭتار. ماڭعىستاۋدا جول بويىنان ءسابي دەنەسى تابىلدى. بۇل تۋرالى tumba.kz سايتىنا سىلتەمە جاساعان egemen.kz ءتىلشىسى حابارلادى. 17 قاڭتار كۇنى ساعات 17:00 شاماسىندا بەينەۋ اۋدانى سارعا اۋىلىنىڭ تۇرعىندارى قوي باعىپ ءجۇرىپ, اتىراۋ-اقتاۋ رەسپۋبليكالىق ماڭىزى بار اۆتوكولىك جولى بويىنان, اتالعان اۋىلدان 900 مەتر قاشىقتىقتاعى قوقىستار شەتىندە جاتقان اۋزى جابىق كارتون قوراپتى كوزدەرى شالادى. بۋىلىپ-تۇيىلگەن قوراپتى اشىپ قاراسا, ىشىنەن ءسابيدىڭ ءولى دەنەسى تابىلعان. كۋاگەرلەردىڭ ايتۋىنشا, بالانىڭ اۋزىنا ايەل ادامنىڭ كاپرون كولگوتكيى تىعىلعان جانە ماڭىندا ايەل ادامنىڭ كيىمدەرى بولعان. تۇرعىندار وقىس وقيعا تۋرالى دەرەۋ قۇقىق قورعاۋ ورىندارىنا حابارلاپ, پوليتسەيلەر ءسابيدىڭ دەنەسىن مايىتحاناعا جونەلتتى. سونىمەن قاتار, نارەستە قىز بالا دەنەسىنە دارىگەرلىك ساراپتاما جاسالىپ, ونىڭ اناسى انىقتالدى. ول 1978 جىلى تۋىلعان ايەل بولىپ شىقتى. كەلىنشەك بالانىڭ ءولى تۋىلعاندىعىن ايتىپ بەرگەن. قازىرگى تاڭدا تەرگەۋشىلەر ءىستىڭ ءمان-جايىن انىقتاۋدا. گۇلايىم شىنتەمىرقىزى. دەرەك: tumba.kz. سۋرەت: informing.ru.