استانا. 18 قاڭتار. الماتىدا ازاماتتاردى شاقىرۋ ۋچاسكەلەرىنە تىركەۋ باستالدى. بۇل تۋرالى egemen.kz ءتىلشىسى حابارلادى.
2016 جىلعى قاڭتار مەن ناۋرىز ارالىعىندا 1999 جىلى تۋىلعان جەتكىنشەكتەردىڭ سانى مەن اسكەري قىزمەتكە ازىرلىك دارەجەسىن ايقىنداۋ ءۇشىن اسكەري ەسەپكە الىنادى. جەرگىلىكتى اسكەري باسقارۋدىڭ اتقارۋ ورگاندارىنىڭ شەشىمى بويىنشا ازاماتتاردىڭ جارامدىلىعىن انىقتاۋ ءۇشىن مەديتسينالىق كوميسسيا قۇرىلادى.
مەديتسينالىق كوميسسيانىڭ شەشىمى بويىنشا بوزبالالاردىڭ دەنساۋلىق جاعدايى تۇرعىسىندا شامالى شەكتەۋلەر تابىلسا, ولاردى ەمدەۋ مەكەمەلەرىنە جولدايدى.
تىركەۋ بارىسىندا تاربيە-پاتريوتتىق سيپاتقا يە قر قم جوعارى وقۋ ورىندارىنا ءتۇسۋ بويىنشا ۇگىت-ناسيحات جۇمىسى جۇرگىزىلەدى. شاقىرىلۋعا دەيىنگى بوزبالالار اسكەري ەسەپكە الىنۋدىڭ بىرقاتار قاعيدالارىن ساقتاۋى ءتيىس. ەرەجەنى بۇزعان كەزدە ولار اكىمشىلىك جاۋاپكەرشىلىككە تارتىلۋى مۇمكىن. كەلەسى جىلى ولار جاڭا قۇجات, ياعني, تىركەۋ كۋالىگىمەن بارادى جانە ولار ءۇشىن بۇل كوميسسيا شاقىرۋ كوميسسياسى بولىپ اتالادى.
جىل باسىنان قازاقستاندا ازاماتتاردى شاقىرۋ ۋچاسكەلەرىنە تىركەۋ باستالعانىن ەستەرىڭىزگە سالا كەتەيىك. 2016 جىلعى قاڭتار مەن ناۋرىز ارالىعىندا اسكەري ەسەپكە 1999 جىلى تۋىلعان 100 000-عا جۋىق قازاقستاندىق قابىلدانادى. تىركەۋ جەرگىلىكتى اتقارۋ ورگاندارىنىڭ قورعانىس ىستەرى جونىندەگى باسقارمالارى ارقىلى جۇزەگە اسىرىلادى. ولاردىڭ شەشىمى بويىنشا ازاماتتاردى مەديتسينالىق كۋالاندىرۋدان وتكىزۋ ءۇشىن مەديتسينالىق كوميسسيا قۇرىلادى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.
