پوشتا وپەراتورى 1,7 ملن. تەڭگە اقشانى ۇرلاعانى ءۇشىن سوتتالدى

كوكشەتاۋ. 18 قاڭتار. اقمولا وبلىسى, جارقايىڭ اۋداندىق سوتى د. ەسىمدى ازاماتشانىڭ قاتىستى قىلمىستىق ءىس قاراپ, وعان ءتيىستى ۇكىم شىعاردى. بۇل تۋرالى egemen.kz حابارلادى. سوت پروتسەسىندە انىقتالعانداي, ازاماتشا د. اۋداندىق پوشتا بولىمىندە وپەراتور بولىپ جۇمىس اتقارىپ جۇرگەن كەزىندە ونىڭ كاسساسىنان 1 716 000 تەڭگە كولەمىندەگى قارجىنى ۇرلاپ العان. سوت ۇكىمىمەن ازاماتشا د. قىلمىستىق كودەكستىڭ 189-بابى, 3-بولىگى, 1-تارماقشاسىندا («سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ») جاسالعان قىلمىسى ءۇشىن كىنالى دەپ تانىلىپ, وعان 5 جىل باس بوستاندىعىنان ايىرۋ جازاسى شارتتى تۇردە تاعايىندالدى. وعان مۇنداي جەڭىلدەتىلگەن جازا تاعايىندالۋىنا كەلتىرىلگەن شىعىنىن وتەگەنى جانە سوتتالۋشىنىڭ كامەلەتكە تولماعان بالاسى بار ەكەنىن سەبەپ بولدى. باقبەرگەن امالبەك. دەرەك: اقمولا وبلىستىق سوتىنىڭ ءباسپاسوز قىزمەتى.