لەوناردو دي كاپريو «ۇزدىك اكتەر» اتاعىن يەلەندى

استانا. 18 قاڭتار. اقش-تىڭ كاليفورنيا شتاتىنا قاراستى سانتا-مونيكا قالاسىندا وتكەن سالتاناتتى كەشتە «سىنشىلار تاڭداۋى» (Critic’s Choice Movie Awards) سىيلىعىنىڭ 2015 جىلعى قورىتىندىسى بويىنشا «ۇزدىك اكتەر» نوميناتسياسىن لەوناردو دي كاپريو جەڭىپ الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. دي كاپريو The Revenant فيلمىندەگى ءرولى ءۇشىن بۇل اتاققا قول جەتكىزدى. الەحاندرو گونسالەس ينيارريتۋدىڭ رەجيسسەرلىگىمەن بولعان فيلم بارىسى XIX عاسىرداعى وقيعانى سۋرەتتەيدى. حيۋ گلاسستىڭ سومداۋىمەن امەريكانىڭ جابايى باتىسىنداعى قاۋىپ-قاتەرلەردى كورسەتەدى. وسى فيلم ارقىلى لەوناردو دي كاپريو «التىن گلوبۋس» پەن «وسكار» جۇلدەسىنە نوميناتسيا جەڭىپ العان بولاتىن. «سىنشىلار تاڭداۋى» جۇلدەسىندەگى ۇمىتكەرلەر قاتارىندا سونداي-اق, برايان كرەنستون (Trumbo), مەتت دەيمون (The Martian), دجونني دەپپ (Black Mass), مايكل فاسسبەندەر (Steve Jobs) جانە ەددي رەدمەين (The Danish Girl) بولعان. بۇل كاسىبي بىرلەستىك تەلەۆيزيادا, راديو مەن ينتەرنەت-باسىلىمداردا قىزمەت ەتەتىن 250 كينوسىنشىدان قۇرالعان سولتۇستىك امەريكاداعى ەڭ ءىرى قاۋىمداستىق. ايان ءابدۋالي. دەرەك, سۋرەت: تاسس.