كوكشەتاۋ. 18 قاڭتار. اقمولا وبلىسىنىڭ اقكول اۋدانىندا ءوڭىر باسشىسى سەرگەي كۋلاگيننىڭ قاتىسۋىمەن 140 ورىندىق «اقبوتا» بالالار باقشاسىنىڭ سالتاناتتى اشىلۋ ءراسىمى ءوتتى. بۇل تۋرالى egemen.kz ءتىلشىسى حابارلادى.
نىسان «بالاپان» مەملەكەتتىك باعدارلاماسى بويىنشا قايتا جوندەۋدەن وتكەننەن كەيىن پايدالانۋعا بەرىلىپ وتىر. جالپى بۇل عيمارات بۇرىن اقكول بالالار ءۇيىنىڭ مەكتەپكە دەيىنگى كورپۋسى بولىپ كەلگەن. ەندى, قايتا ۇيىمداستىرۋعا بايلانىستى, وسى جەردە تاربيەلەنىپ جاتقان 30 بالا عيماراتتان اقكول بالالار ءۇيىنىڭ نەگىزگى كورپۋسىنا اۋىستىرىلدى.
اۋداندىق ءبىلىم ءبولىمىنىڭ قاراماعىنداعى «اقبوتادا» بۇلدىرشىندەر مەملەكەتتىك جانە رەسمي تىلدەردە ءبىلىم الۋدى باستاپ كەتتى.
«جارايسىڭدار, تاپسىرمانى ۋاقىتىلى ءارى ساپالى ورىندادىڭدار. تۇرعىندار ءۇشىن بالالار باقشاسىنىڭ اشىلۋى قاشاندا ۇلكەن قۋانىش. مەن سىزدەردىڭ جۇمىستارىڭىزعا ساتتىلىك تىلەيمىن», دەگەن وبلىس اكىمى بازارلىق رەتىندە جاڭا باقشاعا «Sony Bravia» تەلەديدارىن سىيعا تارتتى.
باقبەرگەن امالبەك.
دەرەك, سۋرەت: egemen.kz
