قىتايدا اۆتوبۋس ورتىنەن قازا تاپقاندار سانى 18 ادامعا جەتتى

استانا. 18 قاڭتار. قىتايدىڭ سولتۇستىك-باتىسىندا ورنالاسقان ينچۋان قالاسىندا بولعان اۆتوبۋس ورتىنەن قازا تاپقاندار سانى 18 ادامعا جەتتى. دەنەسىنىڭ 98 پايىزىن كۇيىك شالعان ءبىر ادام اۋرۋحاناعا جەتكىزىلگەن بەتتە كوز جۇمدى. بۇل تۋرالى سينحۋا اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سونداي-اق, اۋرۋحاناعا زارداپ شەككەن 32 ادام جەتكىزىلدى. دارىگەرلەر ولاردىڭ جاعدايى ءبىر قالىپقا تۇسكەنىن مالىمدەدى. ايتا كەتەيىك, وقيعا قاڭتاردىڭ 5 كۇنى بولعان. نينسيا-حۋەيسكو اۆتونوميالىق ايماعىنىڭ اكىمشىلىك ورتالىعىندا بولعان اۆتوبۋس ءورتىن ما يۋنپين ەسىمدى ازامات ىستەگەنى انىقتالدى. قازىرگى ساتتە ول ۋاقىتشا قاماۋعا الىندى. «ما يۋنپين قۇرىلىس جۇمىسىندا ىستەگەن. الايدا, قوسالقى مەردىگەرلەرمەن كەلىسىمشارت جونىندە ورتاق مامىلەگە كەلە الماعان. بىرنەشە رەت بۇل ولقىلىقتىڭ ورنىن تولتىرعىسى كەلگەنىمەن, ويلاعان ويى جۇزەگە اسپادى. سوڭىندا قىلمىستىق ارەكەتكە بارىپ, قوعامدىق اۆتوبۋستى ورتەپ جىبەردى», – دەيدى جەرگىلىكتى پروكۋراتۋرا قىزمەتكەرلەرى. ايان ءابدۋالي. دەرەك: سينحۋا. سۋرەت: regnum.ru.