اقش پەن ەۋروپالىق وداق – يرانعا قويىلعان سانكتسيانى توقتاتتى

الماتى. 18 قاڭتار. دۇنيەجۇزىلىك اتوم ەنەرگەتيكاسى جونىندەگى اگەنتتىك تەگەراننىڭ يادرولىق باعدارلاماعا بايلانىستى بارلىق شارتتاردى ورىنداعانىن مالىمدەدى. وسىدان كەيىن اقش پەن ەۋروپالىق وداق يرانعا بايلانىستى قويىلعان سانتسيانى توقتاتتى. بۇل تۋرالى ۆۆس حابارلادى. پرەزيدەنت حاسسان روۋحاني يران حالقىن ەلدى سىرتتان قىسپاققا العان سانكتسيالاردىڭ الىنىپ تاستالۋىمەن شىن جۇرەكتەن قۇتتىقتادى. «اللانىڭ راحىمىنا, يران حالقىنىڭ توزىمدىلىگىنە باس يەمىن», – دەدى پرەزيدەنت. حالىقارالىق سانكتسيانىڭ الىنىپ تاستالۋى قارساڭىندا اقش پەن يران ەكى ەل اراسىنداعى تۇتقىنداردى الماستىردى. اقش مەملەكەتتىك حاتشىسى دجون كەرري ۆەنادا مالىمدەگەنىندەي, تۇتقىننان بوساعان 5 امەريكالىق قازىر ەلگە بەت تۇزەگەن, جول ۇستىندە. سول سەكىلدى اقش ينتەرپولدان تاعى دا يراندىق 14 ازاماتتى تۇرمەدەن بوساتۋعا سۇراۋ سالدى. تالعات ءسۇيىنباي. دەرەك: ۆۆس. سۋرەت: AFP.