ءسىم يرانعا قارسى سانكتسيالاردىڭ الىنۋىنا بايلانىستى مالىمدەمە جاسادى

استانا. 17 قاڭتار. قازاقستان رەسپۋبليكاسى سىرتقى ىستەر مينيسترلىگىنىڭ يراننىڭ يادرولىق باعدارلاماسى بويىنشا جان-جاقتى قامتىلعان بىرلەسكەن ءىس-قيمىلدار جوسپارىنىڭ ء(جبىج) ورىندالۋىنىڭ باستالۋىنا قاتىستى مالىمدەمە جاسادى. بۇل تۋرالى مينيسترلىكتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «قازاقستان رەسپۋبليكاسى يران يسلام رەسپۋبليكاسىنىڭ جان-جاقتى قامتىلعان بىرلەسكەن ءىس-قيمىلدار جوسپارىنا سايكەس بارلىق مىندەتتەرىن ورنىندالۋىن قۇپتايدى», – دەلىنگەن مالىمدەمەدە. سونىمەن قاتار: «ءجبىج ورىندالۋى جانە وسىعان وراي بۇۇ-نىڭ يرانعا قارسى سانكتسيالارىن الىپ تاستاۋى حالىقارالىق قاتىناستاردا جاڭا كەزەڭنىڭ باستالۋىن بەلگىلەپ, قاۋىپسىز الەمدى قۇرۋ جولىنداعى اسا ماڭىزدى سىندارلى قادام بولىپ تابىلادى جانە ساياسي ەرىك بار جەردە سابىرلى كەلىسسوزدەر مەن ديپلوماتيالىق كونسۋلتاتسيالار ەڭ كۇردەلى دەگەن جاھاندىق, سونداي-اق, وڭىرلىك ماسەلەلەردى شەشۋدىڭ بىردەن ءبىر دۇرىس ءارى ءتيىمدى امالى ەكەنىن دالەلدەيدى», – دەلىنگەن. ودان بولەك, قازاقستاننىڭ يادرولىق قارۋدى تاراتپاۋ ءتارتىبىن نىعايتۋعا ءوز ۇلەسىن ءاردايىم قوسىپ تۇرۋعا دايىن ەكەنى مالىمدەلگەن. ەلامان قوڭىر. دەرەك, سۋرەت: سىرتقى ىستەر مينيسترلىگىنىڭ ءباسپاسوز قىزمەتى.